Muwovyengi Akuvwisiya Kuti Asambirepu Kanthu

1 Akorinto 9:19-23

FUNDU ZAKUDUMUWA: Muwovyengi akuvwisiya kuti aŵikengi ukongwa maŵanaŵanu ngawu ku nkhani yinu, kuti pakumaliya awonengi kuti asambira fundu zakukhumbika ukongwa.

MO MUNGACHITIYA:

• Ŵanaŵaniyani vinthu vo akuvwisiya ativiziŵa kali. M’malu mwakuwereza waka fundu zo akuvwisiya atiziziŵa kali, awovyeni kuvwisa fundu zo mu nthowa yasonu.

• Mufufuzengi ndipuso muŵanaŵaniyengepu. Asani mphakwenere, mungakamba fundu zo ŵanthu aleka kuziziŵa pamwenga mungakamba vinthu vo vachitika waka kuti mukonkhoski fundu zikuluzikulu zo ze mu nkhani yinu. Muyiŵanaŵaniyengi mwakuphwere nkhani yinu kweniso kukoliyana kwaki ndi fundu zo mukhumba kukamba.

• Longoni kukhumbika kwa uthenga winu. Konkhoskani mo fundu za m’Malemba zingawovye akuvwisiya pa umoyu wawu. Ndipu mukonkhoskengi vinthu vo vingaŵa vakwenere kwa akuvwisiya, nge vinthu chayivu vo vinguchitika, mo ŵanthu angukwaskikiya kweniso vo anguchita.