MUCHITENGI MAULENDU NGAKUWERIYAKU
SAMBIRU 8
Muzikirengi
Fundu ya mu Bayibolu: “Chanju chizikira.”—1 Akori. 13:4.
Vo Yesu Wanguchita
1. Woneriyani VIDIYO, pamwenga ŵerengani Yohane 7:3-5; 1 Akorinto 15:3, 4, 7. Pavuli paki ŵanaŵaniyani mafumbu yanga:
Kumbi avurwa aku Yesu anguchita wuli ndi uthenga waki?
Ndi vinthu wuli vo vilongo kuti Yesu wangulutirizga kuwovya mvurwa waki Yakobe?
Kumbi Tisambiranji Kwaku Yesu?
2. Tikhumbika kuzikira chifukwa pato nyengu yitali kuti ŵanthu anyaki azomeri uthenga wamampha wo titiŵapharazgiya.
Muyezgengi Yesu
3. Muyesengi nthowa zinyaki. Asani munthu wakhumba cha kuti muyambi kusambira nayu Bayibolu nyengu yeniyo, mungamuchichizganga cha. Asani mphakwenere, gwiriskiyani ntchitu mavidiyo pamwenga nkhani zinyaki kuti zimuwovyi kuvwisa vo vichitika pakusambira Bayibolu ndipuso mo wangayanduliya.
4. Mungamuyeruzgiyanga ndi ŵanthu anyaki cha. Munthu weyosi wapambana ndi munyaki. Asani mubali widu yo ndi kaboni cha pamwenga munthu yo tingupangana nayu wakana kusambira Bayibolu, muŵanaŵaniyengi chifukwa cho chitimuchitiska kuti wakanengi. Kumbi pe chisambizu chinyaki cha chisopa cho wawona kuti ntchakukhumbika ukongwa? Kumbi wasuskika ndi achibali ŵaki pamwenga ŵanthu wo waja nawu pafupi? Mupaskeni nyengu yakuti waŵanaŵaniyepu fundu zo mungukambiskanapu nayu kweniso kuwonga vo Bayibolu lisambiza.
5. Mupemphengi Yehova kuti wamuwovyi. Pemphani Yehova kuti wakuwovyeni kuti muleki kukayikiya kweniso kuti muje ndi maŵanaŵanu ngakwenere. Mupemphengi Yehova kuti wakuwovyeni kuziŵa nyengu yakwenere yo mungaleke kulutaku ku munthu yo wakhumba cha kusambira.—1 Akori. 9:26.