MUCHITENGI MAULENDU NGAKUWERIYAKU
SAMBIRU 7
Lutirizgani Kuwovya Ŵanthu
Fundu ya mu Bayibolu: “Alutirizganga kusambiza ndi kupharazga uthenga wamampha.”—Machitidu 5:42.
Vo Paulo Wanguchita
1. Woneriyani VIDIYO, pamwenga ŵerengani Machitidu 19:8-10. Pavuli paki ŵanaŵaniyani mafumbu yanga:
Mumalu mwakuwere vuli chifukwa chakususkika, kumbi Paulo wanguchita wuli phamphu kuti wawovyi ŵanthu wo ŵenga ndi mtima wakukhumba kuvwa vinandi?
Kumbi Paulo waweriyangaku kalinga ku ŵanthu wo ŵenga ndi mtima wakukhumba kuvwa vinandi, ndipu wanguchita venivi kwa nyengu yitali wuli?
Kumbi Tisambiranji Kwaku Paulo?
2. Tikhumbika kusaniya nyengu kweniso kuchita phamphu kuti tichitengi maulendu ngakuweriyaku ndipuso kwambisa masambiru nga Bayibolu.
Muyezgengi Paulo
3. Tisinthengi ndondomeku yidu kuti yikoliyanengi ndi ya mweneku wa nyumba. Jifumbeni kuti: ‘Kumbi ndi nyengu niyi yamampha yo ndingaweliyaku ku munthu yo ndingukumana nayu? Kumbi ndi nyengu niyi yamampha yo wangayanja kuti tikambiskanengi?’ Mujengi akukhumbisiska kuweriyaku, chinanga kuti nyengu yinu yikoliyana cha ndi yo iyu wasankha.
4. Mupanganiyanengi limu. Asani mwamaliza kukambiskana, mupanganiyanengi limu zuŵa ndi nyengu yo mwazamukambiskana so. Mungatondekanga cha kuweriyaku pa nyengu yo mukupangana.
5. Mungatayanga mtima cha. Mungathaŵiriyanga cha kuŵanaŵana kuti munthu yo wasanilika kaŵikaŵi cha panyumba pamwenga watangwanika ukongwa, ndikuti walivi linweka lakukhumba kusambira. (1 Akori. 13:4, 7) Mumalu mwaki, muyesesengi kuweriyaku, kweni mugwiriskiyengi ntchitu nyengu yinu mwazeru.—1 Akori. 9:26.