Vo Bayibolo Limuka

Kumbi ŵanthu wo akufwa azamuyuka?

Nyifwa yenge tulu chifukwa chakuti asani munthu wafwa waziŵa chechosi cha ndipuso palivi cho wangachita. Chiuta yo ndi Mulengi wa vinthu vosi vamoyu wangatondeka cha kuyuska ŵanthu wo akufwa. Iyu wangulongo venivi mwakupaska nthazi Yesu kuti wayuski ŵanthu anandi wo angufwa.—Ŵerengani Wakutaula 9:5; Yohane 11:11, 43, 44.

Chiuta wakulayizga kuti ŵanthu akufwa wo watiŵakumbuka wazakuŵayuska kuti azije ndi umoyu m’charu chifya cha urunji. Ŵanthu wo akufwa alutirizgengi kuja mu muwunda mpaka po Chiuta wazakuŵayuskiya. Chiuta wanthazizosi, wakhumbisiska kuti wazigwiriskiyi nchitu nthazi zaki pakuziyuska ŵanthu akufwa.—Ŵerengani Jobu 14:14, 15.

Nchinthu wuli cho chazamuchitika pa chiyuka?

Pa nyengu yo Chiuta wazamuyuskiya ŵanthu, wo azamuyuskika azakujiziŵa, azamuziŵa mabwezi ngawu kweniso ŵanthu a mubanja lawu. Chinanga kuti liŵavu la ŵanthu wo ŵafwa livunda, Chiuta wazakuŵayuska ndi liŵavu lifya.—Ŵerengani 1 Ŵakorinte 15:35, 38.

Ŵanthu amanavi ndiwu ayuskika kuti akalonde umoyu kuchanya. (Chivumbuzi 20:6) Ŵanthu anandi wo azamuyuskika, azamuja ndi umoyu m’paradayisu pacharu chapasi. Ŵanthu ŵenaŵa, azamupaskika mwaŵi wakwamba so kuchita vinthu ndipuso azamuja ndi chilindizga chakuzija ndi umoyu wamuyaya pacharu chapasi.—Ŵerengani Sumu 37:29; Machitidu 24:15.

Kuti muziŵi vinandi, wonani mutu 6 ndi 7 wa m’buku ili, lo likupharazgika ndi Akaboni aku Yehova

Mungakopa nkhani yeniyi pa www.jw.org

Saniyani Kwamuka kwa Mafumbu Nganyaki pa Intaneti

[Chithuzi papeji 32]

Nchifukwa wuli nyifwa ye nge tulu?