Vo Tingakamba Pakugaŵiya Magazini

Nsanja ya Olonda June 1

“Ŵanthu anandi athemba nyenyezi kuti ziŵawovyi kuziŵa vakunthazi. Kumbi imwi muŵanaŵana kuti nyenyezi zingatovya kuziŵa vo vitichitikiyengi paumoyu widu? [Lindizgani kwamuka.] Wonani vo Bayibolo likamba pankhani yakugomezga vinthu vakuchanya pakukhumba kuziŵa vakunthazi. [Ŵerengani Marangu 18:​10-12.] Nkhani iyi yilongo vo Bayibolo likamba.” Longoni nkhani yo yayambiya pa peji 18.

Galamukani! June

“Nyengu zinandi visopa vilipirisa ndalama pa ubatizu, nthengwa ndi maliru. Kumbi imwi muŵanaŵana kuti venivi vakwenere? [Lindizgani kwamuka.] Awonani vo Yesu wangukambiya akusambira ŵaki. [Ŵerengani Mateyu 10:​7, 8b.] Nkhani iyi yilongo vo Bayibolo likamba pa nkhani yakulipirisa vakuchitika va chisopa.” Longoni nkhani yo yayambiya pa peji 22.

Nsanja ya Olonda July 1

“Ŵanthu anandi atiliziŵa cha zina laku Chiuta Wanthazi Zosi. Kumbi imwi muziŵa kuti Bayibolo lititikambiya zina laku Chiuta? [Lindizgani kwamuka. Pavuli paki ŵerengani Yesaya 42:8a. (Buku Lopatulika Ndilo Mawu a Mulungu)] Magazini iyi yikonkhoska chifukwa cho ŵanthu anyaki akutuzgiya zina laku Chiuta mu ma Bayibolo nganyaki ndipuso kukhumbika kwakuziŵa zina laku Chiuta.”

Galamukani! July

“Pacharu chosi chapasi, ŵanthu anandi afipa mtima chifukwa cha kusuzga kwa ndalama. Ŵanthu wo akutuzgika pa nchitu asuzgika maŵanaŵanu, ndipu wo agwira nchitu afipa mtima kuti panyaki aŵatuzgengi nchitu. Kumbi imwi muŵanaŵana kuti sachizgu ili lingatiwovya kukunthiyapu? [Ŵerengani Mateyu 6:34. Ndipu lindizgani kwamuka.] Magazini iyi ye ndi ulongozgi wo ungatiwovya kuphwere ndalama ndipuso kuleka kusuzgika maŵanaŵanu.”