Vo Tingakamba Pakugaŵiya Magazini

Nsanja ya Olonda July 1

“Tanandi tiziŵa cha mazu ngo tingakamba asani mnyidu watama ukongwa. Kumbi ulongozi wo we pa lemba ili mutiwuwona wuli? [Ŵerengani Yakobe 1:19. Lindizgani kwamuka.] Nkhani iyi ye ndi masachizgu ngakovya nga fundu za m’Bayibolo.” Longoni nkhani yo yayambiya pa peji 10.

Galamukani! July

“Kumbi anthukazi atenere kuja ateŵeti? [Lindizgani kwamuka.] Wonani vo Bayibolo likamba za munthukazi munyaki. [Ŵerengani Ŵaroma 16:⁠1.] Kweni vesi linyaki likamba kuti anthukazi atenere kuja cheti mu mpingu. Mwaviyo, kumbi Bayibolo likambanji pa nkhani yeniyi? Nkhani iyi yikonkhoska umampha fundu yeniyi.” Longoni nkhani yo yayambiya pa peji 28.

Nsanja ya Olonda August 1

“Ŵanthu anandi atopa kuti nkhondu ya nyukiliya pamwenga kusintha kwa nyengu kutimbanyizgengi pamwenga kubwanganduwa charu. Kumbi muŵanaŵana kuti venivi vichitikengedi? [Lindizgani kwamuka.] Awonani vo Bayibolo likamba pa nkhani yeniyi. [Ŵerengani Chivumbuzi 11:18.] Magazini iyi yimuka mafumbu nganayi ngo ŵanthu anandi afumba pa nkhani ya kumala kwa charu.”

Galamukani! August

“Ndisimika kuti mukukambiskanapu ndi Akaboni aku Yehova. Kumbi mukuzizwapu kuti nchifukwa wuli titenda khomu ndi khomu chinanga wuli ŵanthu anandi akondwa nasi cha? [Lindizgani kwamuka. Pavuli paki ŵerengani Mateyu 24:14.] Tawona kuti ŵanthu anandi atitiziŵa umampha cha. Magazini iyi yikonkhoska vo Akaboni aku Yehova ŵali.”