Vo Tingakamba Pakugaŵiya Magazini

Nsanja ya Olonda September 1

“Nyengu zinyaki ŵanthu achita vinthu viheni chifukwa chakuti visopa vilimbikiya kusambiza vinthu vaboza. Kumbi muŵanaŵana kuti nchinthu wuli cho chitiŵachitisa kuti apusikikengi viyo? [Lindizgani kwamuka.] Wonani vo Bayibolo lichiska. [Ŵerengani 1 Yohane 4:⁠1.] Nkhani iyi ikonkhoska kukhumbika kwakusanda vo tigomezga asani vikoliyanaku ndi vo Mazu ngaku Chiuta ngakamba.” Longoni nkhani yo yayambiya pa peji 10.

Galamukani! September

Ŵerengani Mateyu 5:39. Pavuli paki kambani kuti, “Kumbi muŵanaŵana kuti Yesu wang’anamuwanga kuti asani ŵanthu atinangiya tijengi waka cheti? [Lindizgani kwamuka.] Nkhani iyi ilongo vo Bayibolo likamba pankhani ya kujivikiliya ndipuso kupenja chivikiliru cha boma.” Longoni nkhani yo yayambiya pa peji 10.

Nsanja ya Olonda October 1

“Ŵanthu a visopa vakupambanapambana pacharu chosi chapasi aromba. Kumbi imwi muŵanaŵana kuti Chiuta watuvwa ndi kumuka nadi marombu? [Lindizgani kwamuka.] Bayibolo lititichiska kuti tirombengi. [Ŵerengani Ŵafilipi 4:​6, 7.] Magazini iyi, yipereka kwamuka kwa m’Bayibolo pa mafumbu 7 ngo kanandi ŵanthu afumba pankhani ya rombu.”

Galamukani! October

“Kanandi tituvwa kuti ŵanthu aguŵiskika ndi munthu yo akutorana nayu, alongozgi a ndali ndi ŵanthu anyaki. Kumbi muŵanaŵana kuti nkhwakusuzga kusaniya ŵanthu akugomezgeka? [Lindizgani kwamuka.] Anandi awona kuti lemba ili lifiskika. [Ŵerengani 2 Timote 3:​1-5.] Magazini iyi, ikonkhoska ko ŵanthu akugomezgeka angasanirika.”