Vo Tingakamba Pakugaŵiya Magazini

Nsanja ya Olonda August 1

“Kumbi muŵanaŵana kuti nchinthu wuli cho ŵanthu akhumbika kuti aje alikondwa? [Lindizgani kwamuka. Pavuli paki ŵerengani Mateyu 5:⁠3.] Iyi ndi fundu yimoza mwa fundu zinandi zo Yesu wangukamba pa nkhani ya likondwa. Nkhani iyi ikonkhoska vo tingasambira kwaku Yesu vakukwasana ndi mo tingasaniriya likondwa.” Longoni nkhani yo yayambiya pa peji 16.

Galamukani! August

“Mafilimu nganandi mazuŵa nganu ngalongo vinthu vakukwasana ndi viŵanda, akubwebweta ndi va ufwiti. Kumbi muŵanaŵana kuti viŵanda viliku nadi? [Lindizgani kwamuka. Pavuli paki ŵerengani 1 Ŵakorinte 10:20.] Nkhani iyi ilongo vo Bayibolo likamba pa nkhani yakukwasana ndi viŵanda ndipuso mo isi tingajivikiliya ku viŵanda.” Longoni nkhani yo yayambiya pa peji 20.

Nsanja ya Olonda September 1

Zumbuwani nkhani yeyosi yo yifipisa mtima ŵanthu a mchigaŵa chinu. Pavuli paki kambani kuti: “Kumbi mukwamba mwajifumbapu kuti nchifukwa wuli ŵanthu achita vinthu viheni viyo? [Lindizgani kwamuka.] Bayibolo lititipaska chifukwa chamampha chakujaliya ndi chilindizga chakuti vinthu vazamusintha. [Ŵerengani 2 Petro 3:13] Magazini iyi yilongo vo Bayibolo likamba pankhani ya vo vichitisa uheni ndipuso mo Chiuta pambula kuswera yapa wazamutuzgiyapu uheni.”

Galamukani! September

“Kumbi muŵanaŵana kuti ma foni nga m’manja, ma imelu, ndi intaneti kweniso vipangizu vinandi vamazuŵa nganu vakovya ŵanthu kukambiskana vawovya pakumalisa phukwa pamwenga vasazgiyaku? [Lindizgani kwamuka.] Lemba ili le ndi sachizgu lo lingatiwovya kumalisa phukwa. [Ŵerengani Machitidu 20:35.] Magazini iyi yipereka so ulongozi unyaki wakovya wakutuliya mu Bayibolo.”