Chinthu cho Ateŵeti aku Chiuta Apaskika
1 Mu chaka cha 1938, gulu laku Yehova lingwamba manozgeru ngafya. Mipingu yakupambanapambana yadanikanga kuti yizichiti unganu wadera. Kumbi chilatu chaki chenga chakuti wuli? Uteŵeti widu wa Ufumu wa January 1939 wo kali wadanikanga kuti informant ungumuka kuti: “Maunganu yanga nchigaŵa cha mo Gulu laku Yehova litendeske nchitu za Ufumu waki. Ulongozgi wo usanirika pa maunganu yanga ngwakukhumbika ukongwa kuti munthu weyosi wafiski umampha nchitu yo wapaskika.” Asani tiwona kuluta panthazi kwa apharazgi kutuwa pa 58,000 mu chaka cha 1938, vilongole limu kuti maunganu nga dera ngafiska chilatu chaki chakovya ateŵeti “kufiska uteŵeti wawu”!
2 Mutu wa Chaka Chinu: Tilindizga mwalikondwa unganu wadera wo uyambengi mu mwezi wa April ndi fundu zakuchiska zo zazamukambika pa unganu uwu. Mutu wa unganu uwu ngwakuti “Mwe ŵa Charu Cha” ndipu watoleka pa lemba la Yohane 15:19. Kumbi ndi nkhani wuli so zinyaki zo ateŵeti aku Chiuta amuyanduwa nazu? Pa Chisulu tamukuvwa nkhani yakuti “Kumbi Uteŵeti wa Nyengu Zosi Utitivikiliya Wuli?” Tamukondwa so ndi nkhani yakusiliyana ya vigaŵa vitatu ya mutu wakuti “Mungafipisikanga Cha ndi “Chikoku,” “Mureŵi Mukulu” ndi “Ŵamalonda.” Pa Sabata tazamukuvwa nkhani yakusiliyana ya mutu wakuti, “Yanjani Yehova, Charu Cha.” Nkhani zinyaki so ndi izi: “Ufumu Waku Khristu ‘Ngwa Charu Ichi Cha,’ ” “Lutirizgani Kuja ‘Alendu Ndipuso Ambula Kujalisa’ ” ndipuso “Khwimani Mtima! Mungachipunda Charu.”
3 Pavuli pakuchita unganu wadera wa pambula kuswera yapa, mzichi munyaki yo wangulopwa mu uteŵeti wangulemba kuti pulogilamu iyi yinguchitiska kuti wawoni so vakuchita vaki ndi kusimikizga mtima “kwamba kuchita uteŵeti ndi kuleka kujigowoke.” Mwambula kukayika pulogilamu ya unganu wadera ya chaka chifya cha uteŵeti yitiwovyengi tosi kwanja Yehova kuruska charu. (1 Yoha. 2:15-17) Yesesani kuti muzisaniriki ndi kuvwisiya mwakuphwere kuti muziyanduwi mwakukwana ndi vinthu vo tipaskika mwachanju nge ateŵeti aku Chiuta.
[Mafumbu]
1. Kumbi ndi manozgeru ngafya nanga ngo ngangwambika mu chaka cha 1938, nanga chilatu chaki chenga chakuti wuli?
2. Kumbi ndi nkhani wuli zo tamukuvwa pa unganu wadera wo utuza?
3. Kumbi ndi vyandulu wuli vo tingasaniya chifukwa chakusanirika pa unganu wadera?