‘Chakurya cha pa Nyengu Yaki’

¹ Asani tamaliza waka unganu wapade, titanja kukamba kuti, “Unganu uwu wandifika pa mtima!” Wakuwonere dera munyaki wangukamba kuti pavuli pakuvwisiya pulogilamu ya unganu ya pambula kuswera yapa, abali anyaki amdera laki angukamba kuti akhumba kusazgiyaku phamphu lawu mu uteŵeti. Wakuwonere dera munyaki wangukamba kuti, “Ungutovya kuŵanaŵana umampha za nyengu yo tilimu po tipanga vakusankha va paumoyu widu.” Munyaki wangukamba kuti, “Apharazgi anandi akambanga kuti unganu unguŵakumbuska kuti akhumbika kuŵika maŵanaŵanu ngawu pa vinthu vakukhumbika ukongwa, wo mbuteŵeti.” Kumbi imwi mukovyeka wuli ndi unganu wapade?

² Pulogilamu ya unganu wachaka chamawa cha uteŵeti nayu so ye ndi vinthu vo tikhumba. Mutu waki ngwakuti ‘Thaŵiyani Kwaku Yehova’ ndipu watuliya pa lemba la Sumu 118:​8, 9. Zinyaki mwa nkhani zo zamukambika ndi izi: “Mo Yehova Wajaliya Linga Lakukho mu Nyengu ya Masuzgu” “Wovyani Ŵanthu Anyaki kuti aje Akuvikiririka Pasi pa Mapapa Ngaku Yehova”. “Jani Malu Ngakuthaŵiyaku nge mo Yehova walili.” “Ampupuka Gomezgani Yehova” ndipuso yakuti.” “Paradayisu Widu Wauzimu Ndingu Malu Ngakuthaŵiyaku ngo Yehova Watipaska.”

³ Kuti Tiziyanduwi: Asani deti lapharazgika, nozgekiyani kuti muzisanirikepu pa unganu wenuwu ndipu mukambiyeni yo musambira nayu Bayibolo kuti waziluti namwi ku unganu wo. Kuti tibali ‘chipasu mwakukunthiyapu,’ titenere kusunga vo tituvwa. (Luka 8:15) Mwaviyo, vwisiyani mwakuphwere pulogilamu ndipu lembani mwakudumuwa fundu zikuluzikulu ndipuso ulongozgi wo mukhumba kuchiwugwiriskiya nchitu pa umoyu winu ndipuso mu uteŵeti. Saniyani nyengu pavuli pa unganu ya kukambiskana nge banja ndipuso ŵanaŵaniyani nthowa zo imwi ndi banja linu mungachita kuti mugwiriskiyi nchitu vo mwasambira.

⁴ Nge mo chakurya chamampha ndipuso chakunowa chijaliya, unganu wapade wachaka chinu nawu wanozgeka umampha ndipuso mwachanju. Tipempha Yehova kuti watumbiki phamphu linu kuti mukasaniriki pa unganu wo, ndikuti mukayanduwi ndi ‘chakurya cha pa nyengu yaki’ cho chanozgeka kuti chiwovyi Ateŵeti Achikhristu.​—⁠Mate. 24:⁠45.

[Mafumbu]

1. Kumbi unganu wapade wo wachitika pambula kuswera yapa wakuwovyani wuli imwi ndi ŵanthu anyaki?

2. Kumbi tazamusambiranji pa pulogilamu ya unganu ya chaka cha mawa cha uteŵeti?

3. Kumbi nchinthu wuli cho chakutiwovya kuti tikayanduwi ukongwa ndi unganu?

4. Nchifukwa wuli titenere kulindizga mwalikondwa unganu wapade wo utuza?