Ngagwiriskiyeni Nchitu M’malu Mwakungasunga Waka

Mipingu yinandi yisunga mabuku ngakali nganandi. Weyosi wangatoku mabuku ngenanga kuti wakapangi layibulale yaki ya vinthu vauzimu. Kumbi munthu yo musambira nayu Bayibolo waluta panthazi? Muchiskeni kuti wasaniyi mabuku ngakali ngenanga ndipu wapangi layibulale yaki. Wakuwonere Sukulu ya Uteŵeti Waku Chiuta watenere kuwonesesa kuti layibulale ya mu Nyumba ya Ufumu ye ndi mabuku ngosi ngakali ngo mpingu usunga. Mabuku ngenanga ngeche ngakukhumbika. Mwaviyo, nkhwamampha ukongwa kuti tingagwiriskiyengi nchitu m’malu mwakuchingasiya ku mpingu.