Kumbi Mugwirisiya Ntchitu JW Library?

JW Library ndi pulogilamu ya pa intaneti yo mungagwirisiya ntchitu kuti mukope Bayibolu, mabuku, mavidiyo ndipuso vinthu vakuvwisiya mufoni, mutabuleti pamwenga mukompyuta yinu. Mungagwirisiya ntchitu pulogilamu iyi kwawezi.

VO MUNGACHITA KUTI MUYISANIYI: Lutani pa intaneti ndipu kopani pulogilamu ya JW Library. Pulogilamu iyi yingagwira ntchitu mu vipangizu vakupambanapambana. Asani mwasere pa intaneti julani pulogilamu yeniyi ndipu sankhani vinthu vo mukhumba kukope mufoni pamwenga mutabuleti yinu. Asani ku nyumba kwinu kulivi netiweki ya intaneti mungaluta kwekosi ko mungayisaniya. Asani mwakopa mabuku, mungangagwirisiya ntchitu kwambula kusere pa intaneti. Chifukwa chakuti pa JW Library paŵikika vinthu vasonu, mukhumbika kukopa kaŵikaŵi JW Library yasonu kuti muwoni vo vasintha.

NTCHIFUKWA WULI TIKHUMBIKA KUJA NAYU? JW Library yitovya asani tisambira Bayibolu pakutija, ndipuso asani te ku maunganu nga mpingu. Tingayigwirisiya so ntchitu mu uteŵeti. Yitovya so ukongwa asani tipharazga mwamwaŵi.