Gwiriskiyani Nchitu Malu Ngidu nga pa Intaneti, Pakusambira nge Banja Kweniso Pakumwija

Ŵerengani Magazini Ngasonu pa Intaneti: Ŵerengani magazini nga Nsanja ya Olonda ndi Galamukani! ngo ngasanirika mwaliŵi pa Intaneti techendangalonde ku mpingu. Vwisiyani magazini ngakwesa kuŵerengeka pa malu yanga.—, Julani pa mazu ngakuti “Mabuku Ndiponso Zinthu Zina/Magazini.”

Ŵerengani Nkhani zo Zisanirika pa Malu Ngidu pe: Nkhani zinyaki nge “Za Achinyamata,” “Zimene Ndikuphunzira m’Baibulo,” “Zokhudza Banja Lonse” ndi “Zimene Achinyamata Amadzifunsa,” zisanirika pa malu ngidu pe nga pa Intaneti. Yesani kuluta pa malu yanga ndi kuŵerenga nkhani izi pakusambira nge banja kweniso pakumwija.—Julani pa mazu ngakuti “Zimene Baibulo Limaphunzitsa/Zoti Ana Achite/Achinyamata.”

Ŵerengani Nkhani Zasonu: Mungaŵerenga nkhani ndi vakuchitika vakuchiska ndi kuwonere timavidiyo takulongo mo nchitu yidu yichitikiya pacharu chosi chapasi. Nkhani zinyaki zakukwaskana ndi masoka nga chilengedu pamwenga kutombozgeka kwa abali ŵidu zo zisanirikapu, zingatiwovya kuti tizumbuwengi masuzgu chayingu ngo akumana nangu pakuŵarombe. (Yak. 5:16)—Julani pamazu ngakuti “Nkhani.”

Mufufuzengi pa Liyibulare ya pa Intaneti: Asani layibulare iyi yisanirika m’chineneru chinu, mugwiriskiyengi nchitu foni pamwenga kompyuta kuti muŵerengi lemba lazuŵa pa Intaneti pamwenga kufufuza vinthu mu mabuku nganyaki ngasonu.—Julani pa mazu ngakuti “Mabuku Ndiponso Zinthu Zina/Laibulale ya pa Intaneti,” pamwenga lembani kuti www.wol.jw.org pa malu ngakulembapu adiresi.

[Chithuzi papeji 4]

(For fully formatted text, see publication)

Yesani Kungagwiriskiya Nchitu

1 Bofoni pa chithuzi pamwenga pa mazu ngakuti “Koperani.” Chithuzi chiwonekengi pa peji la PDF. Chisindikizeni ndi kuchigwiriskiya nchitu pakusambiza ŵana.

2 Bofoni batani lakujuliya vidiyo kuti muyambi kuyiwonere.