Gwiriskiyani Nchitu Malu Ngidu nga pa Intaneti, Asani Mukambiskana ndi Munthu Wachineneru Chinyaki

Mulongoni Malu Ngidu: Mulongoni mo wangagwiriskiya nchitu mundandanda wa vineneru kuti wajuli malu yanga mu chineneru chaki. (Mu vineneru vinyaki malu ngidu nge ndi vigaŵa vimanavi ŵaka.)

Mulongoni Malu nga pa Intaneti mu Chineneru Chaki: Julani peji lo pasanirika mabuku ngidu nge, buku la Bayibolo Lisambizanji pamwenga kapepala ka Kuziŵa Uneneska. Sankhani chineneru chaki pa mundandanda wa vineneru.

Mujuliyeni Nkhani Yakuti Wavwisiyi: Saniyani nkhani yakuvwisiya mu chineneru cha munthu yo ndipu yijuleni kuti wavwisiyi. Asani musambira chineneru chinyaki, lutirizgani kusambira kuti muchiziŵi umampha mwakuvwisiya mabuku nga m’chineneru chenicho muchiŵerenga.—Julani pa mazu ngakuti “Mabuku ndi Zinthu Zina/Mabuku ndi Timabuku,” pamwenga “Mabuku ndi Zinthu Zina/Magazini.”

Pharazgiyani Ambuwu Pamwenga wo Asuzgika Kuvwa: Asani mwasaniya munthu yo wasuzgika kuvwa pamwenga mbuwu, mujuliyeni vidiyo ya chineneru chamanja ya lemba linyaki la m’Bayibolo, buku, kabuku pamwenga kapepala.—Julani pa mazu ngakuti, “Mabuku ndi Zinthu Zina/Chinenero Chamanja.”

[Chithuzi papeji 6]

(For fully formatted text, see publication)

Yesani Kungagwiriskiya Nchitu

1 Bofoni yapa ▸ kuti vidiyo ya buku lo mwajula yiyambi kuwoneka (asani yisanirika mchineneru chinu) pamwenga bofoni pa mazu ngakuti “koperani” kuti mukope.

2 Sankhani chineneru chinyaki pa mundandanda wa vineneru kuti mumulongo malu yanga mu chineneru chaki.

3 Bofoni po alemba kuti “Tsamba Lotsatira” pamwenga pa “Za M’katimu” kuti muŵerengi nkhani pamwenga mutu unyaki.