Gwiriskiyani Nchitu Malu Ngidu nga pa Intaneti mu Uteŵeti
Chiskani Ŵanthu Kuti Angagwiriskiyengi Nchitu: Ŵanthu anyaki wo akana kukambiskana nasi pamwenga wo akana mabuku ngidu atanja kufufuza vakukwaskana ndi Akaboni aku Yehova kwakuŵija mwakuwona pa adiresi ya jw.org. Mwaviyo, muyesesengi kukambiya ŵanthu vakukwaskana ndi malu yanga.
Kumuka Mafumbu: Nyengu zinyaki mweneku wa nyumba, munthu wakunweka pamwenga munthu yo mucheza nayu wangakufumbani vakukwaskana ndi vo Akaboni aku Yehova agomezga. Mumulongongi kwamuka nyengu yeniyo, mwakugwiriskiya nchitu foni pamwenga kompyuta. Kanandi vija umampha kuŵerenga malemba ngo ngaŵikika kutuliya m’Bayibolo. Asani mulivi chipangizu cho che ndi Intaneti pa nyengu yo, mukonkhoskiyeni mo wangagwiriskiya nchitu adiresi ya jw.org kuti wasaniyi yija kwamuka.—Julani pa mazu ngakuti, “Zimene Baibulo Limaphunzitsa/Kuyankha Mafunso a m’Baibulo,” pamwenga “Nkhani Zokhudza Mboni za Yehova/Mafunso Amene Anthu Amafunsa Kawirikawiri.”
Tumiziyani Munthu yo Mutimuziŵa, Nkhani Pamwenga Buku: Ŵikani nkhani pamwenga buku lo mwakope, kwali le mu PDF pamwenga EPUB pa imelu yo mwalemba. Pamwenga kopiyani mabuku ngakwesa kuŵerengeka pa CD. Asani mutumiziya munthu yo wechendabatiziki buku, kabuku pamwenga magazini yamphumphu pa imelu, musazgengi pa mabuku ngo mwagaŵiya mwezi weniwo, kweni mungaŵerengeskiyanga cha asani mwatumiza ŵaka chigaŵa cha buku lo. Pakutumiza mabuku mutumizengi mu zina linu ndipuso mungatumizanga vinthu vinandi cha nyengu yimoza. Kweniso mungatumiziyanga ku malu nganyaki cha nga pa Intaneti.—Julani pa mutu wakuti, “Mabuku Ndiponso Zinthu Zina.”
Mulongongi Munthu Nkhani Zasonu Zakukwaskana ndi Akaboni aku Yehova: Ivi viwovyengi ŵanthu wo musambira nawu Bayibolo ndi anyaki wo mutiŵapharazgiya kuti aje ndi mtima wakukhumba kuziŵa vinandi vakukwaskana ndi nchitu yidu kweniso ubali widu wapacharu chosi. (Sumu 133:1)—Julani pa mazu ngakuti “Nkhani.”
[Chithuzi papeji 5]
(For fully formatted text, see publication)
Yesani Kungagwiriskiya Nchitu
1 Pa mazu ngakuti “Mabuku ndi Zinthu Zina,” saniyani buku lo mupenja kukope ndipu bofoni batani kuti musaniyi nkhani yakuŵerenga pamwenga yakuvwisiya yo mukhumba.
2 Bofoni po palembeka kuti “MP3” kuti muwoni nkhani zo zilipu. Bofoni mutu wa nkhani yo mupenja kukope pamwenga kuvwisiya pa Intaneti.
3 Sankhani chineneru chinyaki pa mundandanda wa vineneru asani mukhumba kukope buku la chineneru chenicho.