Asani Mukhumba Mabuku nga Chineneru Chinyaki Mwaliŵi

Nyengu zinyaki tikumana ndi ŵanthu wo akhumba kuŵerenga mabuku ngidu m’chineneru chinyaki ngo mpingu widu ulivi. Kumbi muziŵa kuti asani mwe ndi mwaŵi wakugwiriskiya nchitu Intaneti, mungasindikiza mabuku nga vineneru pafufupi 400 pakumwija? Asani mukhumba mungachita ivi:

• Lutani pa adiresi yidu ya Intaneti ya www.jw.org.

• Asani mwajula Intaneti, ku janja linu la maryi muwonengi vineneru vakupambanapambana. Didimizgani pa kachithuzi kakuzunguliya ko kamiya charu kuti musaniyi vineneru vo vilipu.

• Didimizgani pa chineneru cho mukhumba. Pavuli paki, muwonengi peji lo pe mabuku ngo mungasindikiza, nge timapepala, timabuku ndi nkhani. Chifukwa chakuti peji lo mwajula ndakulembeka m’chineneru cho mwasankha, mungafipanga mtima cha asani muleka kuwona mitu ya vinthu vo mupenja.

• Didimizgani pa nkhani yeyosi yo mupenja. Asani mwadidimiza, nkhani yo muyiwonengi pa kompyuta ndipu mungasindikiza mwakudidimizga bitani lakusindikiziya lo lija pa kompyuta.

Pa adiresi yidu ya Intaneti, pe vinthu vimanavi waka, kweni mabuku nganandi ngasanirika ku mpingu. Asani mwasaniya munthu walinweka, vingaja umampha kupempha mabuku ku mpingu.