Kumbi mwe Akunozgeka Asani Mungatama Mwamabuchibuchi?

Tikhoza kutama mwamabuchibuchi. (Yako. 4:14) Mwaviyo, munthu wazeru wayesesa kunozgeke limu. (Ntha. 22:⁠3) Kumbi mwasankha ndi kulemba chovyu cha kuchipatala cho mungalonde ndipuso nthowa zo mungazomerezga? Buku la “Chikondi cha Mulungu” pa mutu 7 kweniso mabuku nganyaki ngo ngalongoleka mwenimo ndi mphatika ya mu Uteŵeti Widu wa Ufumu wa November 2006, yikuwovyeningi kusankha umampha pa nkhani iyi. Asani muŵerenga fundu izi, wonani asani mungamuka mafumbu yanga.

(1) Kumbi chifukwa chikulu cho Akaboni aku Yehova akaniya kuŵikika ndopa nchakuti wuli? (2) Pa nkhani ya chovyu cha munkhwala, kumbi Akaboni aku Yehova akhumba chovyu wuli? (3) Kumbi ŵanthu wo atama ŵe ndi wanangwa wuli? (4) Nchifukwa wuli munthu watenere kuŵanaŵana umampha ndipuso kuziŵa kuti ndi udindu waki kusankha munkhwala pamwenga nthowa zambula kugwiriskiya nchitu ndopa? (5) Kumbi madokotala ngangasankha kuchita vinthu viŵi nivi mwaliŵi asani munthu wataya ndopa zinandi? (6) Kumbi ndi vinthu wuli vo mutenere kuziŵa pa nkhani yakukwaskana ndi nthowa yeyosi yambula kugwiriskiya nchitu ndopa? (7) Kumbi maopaleshoni ngakulungakulu ndipuso ngakusuzga ngangachitika kwambula kugwiriskiya nchitu ndopa? (8) Kumbi vinthu vasintha wuli mu vipatala mazuŵa nganu pa nkhani ya kugwiriskiya nchitu ndopa?

Pakuti kulonde chovyu chakuchipatala cho chalembeka mu mabuku ngo ngakonkhoskeka yapa ndi nkhani yakujisankhiya, mungalindizganga kuti mukumani dankha ndi suzgu cha kuti ndipu muzisankhengi chovyu cho mungalonde pamwenga cho mungakana. Pa chifukwa ichi, asani mukubatizika, lembani vo mwasankha pa kadi la DPA, ndipu muyendengi nalu nyengu zosi.

[Fundu yo yakonkhoskeka papeji 3]

Kumbi mwasankha ndi kulemba chovyu cha kuchipatala cho mungalonde ndipuso nthowa zo mungazomerezga?