TICHITENGI VINTHU NGE AKHRISTU
Kumbi mwe Akunozgeka Asani Mungatama Mwamabuchibuchi?
Ntchifukwa wuli tikhumbika kunozgeke? Tingatama mwamabuchibuchi ndipuso angatigoneka muchipatala pa nyengu yo tiŵanaŵaniyaku cha. Mwaviyo, tikhumbika kunozgeke sonu kuti asani tatama tikalonde chovyu chakwenere. Asani tichita viyo, titumbika umoyu ndipuso dangu lo Yehova wakupereka lakukwaskana ndi ndopa.—Mac 15:28, 29.
Kumbi tinganozgeke wuli?
Pempherani ndipuso sayinani umampha kadi Lakupaska Munthu Mazaza Ngakundimiya pa Chovyu cha Kuchipatala (DPA).a Apharazgi akubatizika angapempha kadi ili kwa mteŵeti wakuwonere mabuku kweniso angapemphe ŵana ŵawu Identity Card (ic)
Asani mwe ndi nthumbu, mungapempha ŵara kuti akupaskeni fomu yakuti Ulongozgi Wakovya Anthukazi Akutama (S-401). Ulongozgi wo we mu fomu iyi ukuwovyeningi kuti musankhi vinthu mwazeru pa suzgu lelosi lo mungakumana nalu asani mwe ndi nthumbu ndipuso panyengu yakubala mwana
Asani pakhumbikengi chovyu cho chikwaskana ndi ndopa pamwenga akukoni adimiti muchipatala, mutenere kuziŵiska ŵara mwaluŵi kweniso kuziŵisa madokotala kuti kuzengi Akaboni aku Yehova
Kumbi ŵara angakuwovyani wuli? Angakuwovyani kusayina kadi la DPA. Kweni ŵara akusankhiyeningi cha chovyu cha munkhwala pamwenga kukambapu maŵanaŵanu ngawu pa nkhani zo mukhumbika kusankha mwija. (Ar 14:12; Ag 6:5) Asani mwakambiya ŵara kuti akhumba kukuŵikani ndopa, yiwu akambiyengi mubali wa mu Komiti Yakukambiskana ndi Madokotala kuti wakakambiskani ndi madokotala (HLC).
Kumbi abali a mu komiti yakukambiskana ndi madokotala angakuwovyani wuli? Abali wo agwira ntchitu yakukambiskana ndi madokotala akusambizgika mo angawovye ŵanthu wo agwira ntchitu kuchipatala kweniso wo awona va marangu kuti avwisi vo tigomezga pa nkhani ya ndopa. Yiwu angakambiskana ndi madokotala pa nkhani yakukwaskana ndi chovyu chinyaki cha munkhwala cho mungapaskika m’malu mwakuŵikika ndopa. Asani mphakwenere, angakuwovyani kuti musaniyi dokotala yo wangavwisa vo mwasankha pa nkhani ya ndopa.
WONERIYANI VIDIYO YAKUTI VO MUNGACHITA PAKUSANKHA CHOVYU CHA KUCHIPATALA CHO CHIKWASKANA NDI NDOPA, NDIPU MUKANI MAFUMBU YANGA:
Kumbi mu vidiyo iyi mwasambiranji vo vingakuwovyani asani mwatama mwamabuchibuchi ndipu akhumba kuti akuŵikeni ndopa?
a Sambiru 39 mubuku lakuti Kondwani ndi Umoyu Kwamuyaya! lingakuwovyani kuti musankhi umampha chovyu cha munkhwala pa nkhani ya ndopa.