Mugwiriskiyengi Nchitu Vidiyo Asani Musambiza

Pa nyengu yo Yehova waperekanga uthenga wakukhumbika kwaku Abrahamu ndi Yeremiya, waŵakambiyanga kweniso waŵawonesanga vinthu kuti avwisisi. (Chiy. 15:5; Yer. 18:1-6) Tingawovya wo tisambira nawu Bayibolo kuti avwisisengi ndipuso kuti ayanduwengi ndi uneneska wa m’Bayibolo mwakugwiriskiya nchitu mavidiyo ngidu. Masachizgu yanga ngakamba za nyengu yo tingawonere mavidiyo nganyaki ndi wakusambira widu. Ziŵani kuti yanga ndi masachizgu ŵaka chifukwa wo tisambira nawu Bayibolo apambana.

Buku lakuti, Bayibolo Lisambizanji

◻ Mutu 9: Pavuli pakukambiskana ndimi 14, woneriyani vidiyo yakuti, Akaboni aku Yehova Apharazga Pacharu Chosi Chapasi

◻ Mutu 15: Pavuli pakukambiskana ndimi 10, woneriyani vidiyo yakuti, Tichita Vinthu Mwakukoliyana ndi Abali Pacharu Chosi

Buku lakuti, “Chanju Chaku Chiuta”

◻ Mutu 3: Pavuli pakukambiskana ndimi 15, woneriyani vidiyo ya Chichewa yakuti, Zimene Achinyamata Amadzifunsa-Kodi Ndingapeze Bwanji Anzanga Abwino?

◻ Mutu 17: Pakumaliya pa mutu wenuwu, woneriyani vidiyo ya Chichewa yakuti, ‘Yendani mwa Chikhulupiriro Osati mwa Zooneka ndi Maso’

Lembani masachizgu yanga m’buku linu la Bayibolo Lisambizanji kweniso “Chanju Chaku Chiuta” kuti ngakuwovyeni asani mungakhumba kuwonere vidiyo ndi wakusambira winu pamwenga asani mukhumba kumubwereka kuti wakawonere. Asani mavidiyo ngasonu ngatuwa, ŵanaŵaniyani mo mungangagwiriskiya nchitu kuti ngafiki pa mtima wa ŵanthu wo musambira nawu Bayibolo.—Luka 24:32.