Gwiriskiyani Nchitu Malu Ngidu nga pa Intaneti Pakusambiza Ŵana Ŵinu
1. Kumbi chigaŵa chakuti, “Ana” cho che pa malu ngidu nga pa Intaneti chikunozgeke ayani?
1 Malu ngidu nga pa Intaneti nga jw.org, ngakunozgeka kuti ŵanthu a misinkhu yosi angayanjengi. Pa malu ngenanga pe chigaŵa cha mutu wakuti “Ana” (wonani pa mazu ngakuti Zimene Baibulo Limaphunzitsa > Ana). Chigaŵa ichi chitovya ŵana anamana ndipuso apapi kuti ayanjanengi kweniso ayanjengi Yehova. (Mar. 6:6, 7) Kumbi mungachigwiriskiya wuli nchitu chigaŵa ichi pakusambiza ŵana ŵinu?
2. Kumbi mungachita wuli kuti musankhi nkhani zakwenere zo mungasambira ndi ŵana ŵinu mwakukoliyana ndi msinkhu wawu?
2 Musinthengi Nthoŵa Zinu Zakusambiziya: Ŵana apambanapambana. (1 Ŵakor. 13:11) Kumbi mungachita wuli kuti musankhi nkhani zakwenere zo mungasambira ndi ŵana ŵinu mwakukoliyana ndi msinkhu wawu? Jifumbeni kuti: ‘Kumbi ndi nkhani nizi zo ŵana ŵangu angakondwa nazu? Kumbi ndingaŵasambiza vinthu vinandi wuli kuti avwisi? Nanga ndingasambira nawu kwa nyengu yitali wuli kuti aleki kuchita mphwayi?’ Ŵana a vyaka vitatu kusikiya pasi, mungasambira nawu nkhani za pamutu wakuti “Zimene Ndikuphunzira m’Baibulo,” pa malu ngidu nga pa Intaneti. Wonani so fundu zinyaki izi.
3. Kumbi apapi angachita wuli kuti agwiriskiyi nchitu umampha vo asankha kuchita pakamutu kakuti “Zochita pa Kulambira Kwa Pabanja”?
3 Vo Banja Lingachita pa Kusopa Kwa Pabanja: Vinthu vo visanirika pa kamutu kakuti “Zochita pa Kulambira Kwa Pabanja,” vingawovya mitu ya mabanja kuti asambirengi ndi ŵana ŵawu. Kuti muziŵi mo mungagwiriskiya nchitu nkhani zo mwasankha ndipuso vo mungachita, julani pa kamutu kakuti “Zothandiza Makolo” ndipu ŵerengani fundu zo zingakuwovyani. Mugwiriskiyengi nchitu vithuzi kuti musambizi umampha ŵana ŵinu. Wovyani ŵana wo mbara kuti afufuzengi ŵija nchitu yo mwasankha. Nchitu yeyosi yo mungasankha kuti achiti yikonkhoska fundu zakuyanana za m’Bayibolo. Mwaviyo, ŵana a vyaka vakupambanapambana angachitaku vo mwasankha kuti muchitengi pakusopa kwa pabanja.
4. Kumbi pa kamutu kakuti “Khalani Bwenzi la Yehova” pasanirikanji?
4 Jani Bwezi Laku Yehova: Mavidiyo, sumu kweniso vo ŵana angachita vo visanirika pa kamutu kakuti, “Khalani Bwenzi la Yehova” vitovya apapi kuti ajalikiski Mazu ngaku Chiuta mumitima ya ŵana ŵawu. (Mar. 31:12) Vidiyo yeyosi ya vidoli yisambiza mwana fundu yakukhumbika ukongwa. Nchitu zo ŵana apaskika kuti afufuzi zitiŵawovya kuti avwisi fundu zenizi. Sumu za Ufumu ndipuso zo zinozgeke ŵana ziŵikika kaŵikaŵi pamalu ngenanga chifukwa chakuti ŵana atanja kumba sumu kweniso zitiŵawovya kuti akumbukengi vo asambira.
5. Nchifukwa wuli apapi atenere kupempha Yehova kuti waŵawovyi kusambiza ŵana ŵawu uneneska?
5 Apapi, Yehova wakhumba kuti muleri umampha ŵana ŵinu. Mwaviyo mumupemphengi kuti wakovyeni kusambiza ŵana ŵinu uneneska. (Ŵer. 13:8) Yehova wangakuwovyani kuti musambizi ŵana ŵinu kuti aje azeru kweniso kuti azitaskiki chifukwa cha kuvwana kuporote mwaku Khristu Yesu.—2 Tim. 3:15; Nthanthi 4:1-4.