Awovyeni Kuti Aje Akukho “mu Chivwanu.”

Tikondwa kuwona mo Yehova watumbikiya gulu laki chifukwa ŵanthu akujumpha 250,000 abatizika chaka chechosi. (Mar. 28:2) Kanandi apharazgi alekeza kusambira Bayibolo ndi munthu asani munthu yo wabatizika ndipu atamba kupenja anyaki kuti asambirengi nawu. Wakusambira nayu wakhumba cha kulutirizga kusambira, m’malu mwaki waŵika mtima waki pa uteŵeti. Kweni nkhwakukhumbika kuti munthu yo wasambira Bayibolo waziŵi vinandi vakukwaskana ndi uneneska. Wakhumbika kumuziŵa ukongwa Khristu ndipuso kukho “mu chivwanu.” (Ŵakol. 2:6, 7; 2 Tim. 3:12) Mwaviyo, asani wakusambira wabatizika, watenere kulutirizga kusambira mpaka po wamalizgiya buku la Bayibolo Lisambizanji ndipuso la Chanju Chaku Chiuta.—Wonani Uteŵeti Widu wa Ufumu wa April 2011, peji 2.