Mo Tingagwiriskiya Nchitu Magazini Ngakali Mwakwenere

Tiyesesengi kugaŵiya magazini ngakali chifukwa chakuti asani tingangasunga ŵaka, ngangawovya munthu cha. Munthu wakhoza kwamba kusambira uneneska ndi kudaniya pa zina laku Yehova asani wangaŵerenga magazini, chinanga njimoza pe. (Ŵar. 10:13, 14) Tiyeni tiwoni masachizgu ngo ngangawovya kuti mugwiriskiyengi nchitu umampha magazini ngakali.

• Asani mupharazga m’chigaŵa cho mupharazgamu kaŵikaŵi cha, mungasiya magazini pa malu ngakuwoneke, pa nyumba zo mwaleka kusaniya ŵanthu.

• Asani mupharazga m’malu ngo musanirika ŵanthu anandi nge malu ngakukwere galimotu ndi sitima, mufumbengi ŵanthu asani angayanja kuti muŵapaski chinthu chinyaki kuti aŵerengi ndipu muŵalongongi magazini ngakali ngakupambanapambana kuti asankhepu.

• Asani mwaluta kumalu nge ku sukulu, malayibulale, maofesi nga boma kweniso kuchipatala m’dera la mpingu winu, mungasiya magazini ngamanavi pamalu ngakufikiyapu ŵanthu. Kweni vingaŵa umampha asani mungapempha dankha munthu yo wawonere malu ngo kuti wakuzomerezgeni. Asani pamalu ngo mwasaniyapu magazini ngidu, mungasiyangapu nganyaki cha.

• Asani munozgeke kuwere ku ŵanthu akunweka, muŵanaŵaniyengi linweka lo weyosi pakuyija wangulongo. Kumbi we ndi banja? Kumbi watanja kwenda? Kumbi watanja kulima? Pa magazini ngakali ngo mwe nangu, penjani yo ye ndi nkhani yo wangachikondwa nayu ndipu mukamulongo asani mwaweriyaku.

• Asani mwasaniya munthu wakunweka, yo mwaja muchimuyende kwa nyengu yitali kweni mwamusaniyanga cha, mulongoni magazini ngakali ngo munguleka kumupaskaku.