Vidiyo Yasonu Yakwambisiya Masambiru nga Bayibolo

Ŵanthu anandi awonere vidiyo yifupi yamutu wakuti, Nchifukwa Wuli Tikhumbika Kusambira Bayibolo? pa jw.org. Vidiyo iyi yanozgeka kuti yiwovyi ŵanthu akunweka kuti ayambi kusambira Bayibolo kwawezi. Mungasaniya vidiyo yeniyi asani mungajula po palembeka kuti, “Pemphani Munthu Woti Aziphunzira Nanu,” pamwenga jambulani kachidindu ko katitilongozge ku jw.org, ko kasanirika pakumaliya pa timapepala tasonu asani mwe ndi foni pamwenga chidya chinyaki cho che ndi pulogiramu yo yingajambula kachidindu yaka. Tiyeni tikambiskani nthowa zinyaki zo zingatiwovya.

• Asani taluta ku ulendu wakuweriyaku, tingakambiya mweneku wa nyumba kuti: “Kumbi ndingakulongoni vidiyo yifupi yo yikonkhoska mo mungasaniriya kwamuka kwa mafumbu nginu ngakukwaskana ndi Bayibolo?” Asani wazomerezga, mulongoni vidiyo iyi pa foni pamwenga pa kompyuta yaki.

• Asani tigaŵiya timapepala mu upharazgi wamwamwaŵi pamwenga ko kusanirika ŵanthu anandi, mulongoni kachidindu ko ke pamphata pa peji lakumaliya ndipu muchiskeni kuti wakakajambuli asani we ndi foni pamwenga chidya cho che ndi pulogiramu yo yingajambula kachidindu yaka. Mu vineneru vinandi, kachidindu yaka katitilongozge ku mavidiyo ngo nge pa Webusayiti yidu. Mwaviyo, mungawonere vidiyo iyi pafoni yinu nyengu yo mwajambuliya.

• Tingakambiya ŵanthu wo tigwira nawu nchitu, anyidu akusukulu, abali ŵidu kweniso anasi vakukwaskana ndi vidiyo iyi ndipu tingaŵapempha kuti ayiwonere. Mungaŵatumiziya so vidiyo iyi pa imelu kuti akayiwonere pakuŵija.

Tingayambisa masambiru nganandi nga Bayibolo mwakugwiriskiya nchitu chidya chasonu ichi ndi kovya wosi wo ‘atemeke ku umoyu wamuyaya.’—Mac. 13:48.