Kabuku Kasonu Kakufufuziya

Apharazgi anandi pacharu chapasi agwiriskiya nchitu umampha buku lachingelezi la Watch Tower Publications Index pakufufuza nkhani. Kweni buku ili lisanirika m’vineneru vimanavi ŵaka. Mwaviyo, Kabuku Kakufufuziya ka Akaboni Aku Yehova kasanirika m’vineneru 170. Nkhani zo zisanirika m’kabuku yaka zakutuliya m’mabuku ngo ngakutuzgika m’Chitonga kwambiya m’chaka cha 2007 kuluta kunthazi. Kabuku yaka kakusindikizika cha mu vineneru vo vikufwatuliya buku la Index ndipu kasanirika so pa Intaneti pa Watchtower Library ndi pa Watchtower—ONLINE LIBRARY. Kabuku Kakufufuziya kakuwovyeningi kusaniya kwamuka kwa mafumbu ngakukwaskana ndi Bayibolo, nkhani zakukwaskana ndi umoyu wa zuŵa ndi zuŵa ndipuso kunozgeke maunganu nga mpingu ndi kusopa kwa pabanja.