KUSAZGIYAKU LUSU LIDU MU UTEŴETI | SAZGIYANIKU LIKONDWA LINU MU UTEŴETI
Mugwiriskiyengi Ntchitu Vidya Vakufufuziya
Yehova watitipaska vidya vo vititiwovya kuti tisambizengi mwalusu. Vidya vaki ndi mavidiyo, timapepala, magazini, timabuku, mabuku kweniso Bayibolu lo ntchidya chidu chikulu. (2Ti 3:16) Watitipaska so vidya vakufufuziya vo vititiwovya kuti tikonkhoskengi umampha Malemba. Vidya vaki ndi Watchtower Library, JW Library®, LAYIBULARE YA PA INTANETI™ ndi Kabuku Kakufufuziya Nkhani ka Akaboni aku Yehova.
Mukondwengi ukongwa asani mufufuza fundu za mu Bayibolu mwakugwiriskiya ntchitu vidya vo mwapaskika. Muwovyengi so ŵanthu wo musambira nawu Bayibolu kuti aziŵi mo angagwiriskiya ntchitu vidya ivi. Nawu akondwengi ukongwa asani angasaniya ŵija kwamuka kwa mafumbu ngo atijifumba.
WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—MUGWIRISKIYENGI NTCHITU VINTHU VO YEHOVA WAPEREKA—MUGWIRISKIYENGI NTCHITU VIDYA VAKUFUFUZIYA, NDIPU MUKANI MAFUMBU YANGA:
Kumbi Jade wangususka nkhani yakuti wuli?
Kumbi Neeta wangusaniya pani kwamuka kwa nkhani yo Jade wasuskanga?
Tikondwa asani tifufuza kweniso kukambiyaku ŵanthu anyaki fundu za mu Bayibolu
Nanga wanguchita wuli kuti wasankhi fundu zakuti zingachimuwovya Jade?
Kumbi Neeta wanguyanduwa wuli chifukwa chakugwiriskiya ntchitu vidya vakufufuziya?