LAYIBULARE YA PA INTANETI

LAYIBULARE YA PA INTANETI

Chitonga (Malawi)

mwb16 April p. 3
Tikambengi Mazu Ngakuchiska kwa Anyidu

Kabuku ka Unganu wa Umoyu Widu Wachikhristu Ndipuso Uteŵeti—2016

mwb16 April p. 3

CHUMA CHAKUTULIYA M’MAZU NGAKU CHIUTA | JOBU 16-20

Tikambengi Mazu Ngakuchiska kwa Anyidu

Tipelekengi ulongozi wakuchiska kwa anyidu

Jobu wangusuzika maŵanaŵanu chifukwa cha masuzu ngo wangukumana nangu ndipu wakhumbanga kuti ŵanthu amuchiski
Mabwezi ngaki ngatatu ngangumunena Jobu m’malu mwakumuchiska. Ivi vinguchitisa kuti wasuziki ukongwa maŵanaŵanu

Vo Bildadi wangukamba vinguchitisa kuti Jobu waliyi ndi masuzu

Jobu wanguliliya Chiuta kuti wamuwovyi. Wangumupempha kuti wafwi waka
Jobu wagomezanga kuti asani wafwa wazamuyuka ndipu wangulutiriza kuja wakugomezeka panyengu ya masuzu

Elifazi ndi Jobu ndipu Bildadi ndi Zofara atiŵalelesa

ŴANTHU WO ANENANGA JOBU

Elifazi:

Wajanga ku Temani m’charu cha Edomu. Lemba la Yeremiya 49:7 lilongo kuti ku Temani kwajanga ŵanthu azeru
Elifazi ndiyu wenga mula pa mabwezi ngaku Jobu ndipu ndiyu wangwambisa kuti anyaki anenengi Jobu. Wangulongolopu katatu ndipu ndiyu wangulongoro kwa nyengu yitali kuluska wosi

Vinthu viheni vo wangukamba:

Wanyozanga Jobu ndipu wangumukambiya kuti Chiuta watiŵagomeza cha ateŵeti ŵaki (Jobu 4, 5)
Wangunena Jobu kuti ngwakujikuza kweniso ndi muheni. Wangukambaso kuti Jobu watimuwopa cha Chiuta (Jobu 15)
Wangupusikiziya Jobu kuti ngwambunu kweniso wachita vinthu vambula urunji. Wangukamba so kuti Chiuta walivi nayu ntchitu munthu (Jobu 22)

Bildadi:

Wenga wa fuku la Shuhiti. Watenere kuti wajanga pafupi ndi msinji wa Efrate
Ndiyu wenga wachiŵi kulongolopu. Wangukamba mazu ngafupi kweni ngakuŵaŵa ukongwa kuluska ngaku Elifazi

Vinthu viheni vo wangukamba:

Iyu wangukamba kuti ŵana aku Jobu angubuda ndipu akhumbikanga nadi kufwa. Ndipuso wangukamba kuti Jobu wamugomezanga cha Chiuta (Jobu 8)
Wangukamba kuti Jobu wachitanga vinthu viheni (Jobu 18)
Wangukamba so kuti kugomezeka kulivi phindu (Jobu 25)

Zofara:

Wenga wa fuku la Namati, ndipu watenere kuti wajanga ku Arabia
Ndiyu wenga wachitatu kulongolopu ndipu wangulongoro vinthu vakuŵaŵa ukongwa kuluska wosi. Wangukambapu waka kaŵi

Vinthu viheni vo wangukamba:

Wangukamba kuti Jobu walongoro vinthu vambula zeru. Wangumukambiya kuti waleki kuchita vinthu viheni (Jobu 11)
Wangukamba kuti Jobu ndi munthu muheni ndipu wakondwa asani wachita vinthu viheni (Jobu 20)