Mo Tingasaziyaku Lusu Lidu Mu Uteŵeti​— Wovyani Akusambira Bayibolu Kuti Ajipereki Kwaku Yehova ndi Kubatizika

NTCHIFUKWA WULI NKHWAKUKHUMBIKA: Kuti akusambira Bayibolu aje pa ubwezi ndi Yehova, akhumbika kujipereka kwaku Yehova ndi kubatizika. (1 Pet. 3:21) Yehova, watiŵavikiliya mwauzimu ŵanthu wo ajipereka kwaku iyu asani alutiriza kuchita khumbu laki. (Sumu 91:1, 2) Akhristu atijipereka kwaku Yehova pe. Ndichu chifukwa chaki akusambira akhumbika kwanja ndipuso kuwona kuti Chiuta ndiyu wakukhumbika ukongwa pa umoyu wawu.—Ŵar. 14:7, 8.

MO TINGACHITIYA:

• Asani musambira, mukonkhosiyeni vo nkhani yo yikamba vakukwasana ndi Yehova. Mukambiyeni kukhumbika kwa kuŵerenga Bayibolu zuŵa lelosi kweniso kupemphera kwaku Yehova “nyengu zosi.”—1 Ŵat. 5:17; Yak. 4:8

• Chiskani wakusambira kuti wayesesi kuti wakabatiziki. Kweniso muwovyeni kuti wayesesengi kumuka pa mawunganu, pamwenga kupharazgiya ŵanthu wo waja nawu kweniso wo wagwira nawu ntchitu. Ziŵani kuti Yehova wachichiza cha ŵanthu kuti amuteŵetiyengi. Munthu wasankha yija kuteŵete Yehova.—Mar. 30:19, 20

• Wovyani wakusambira kusintha mijalidu yaki kuti wakondwesi Yehova ndipuso kuti wabatiziki. (Nthanthi 27:11) Ŵanthu wo tisambira nawu Bayibolu ŵe ndi mijalidu yinyaki yo anguziŵiliya kuchita, mwaviyo, tikhumbika kulutiliza kuŵawovya kuti avwali umunthu wasonu ndi kutaya umunthu wakali. (Ŵaef. 4:22-24) Mulongoni nkhani za mu Chigongwi cha Alinda zamutu wakuti “Bayibolu Lisintha Ŵanthu”

• Mukonkhosiyeni vinthu vamampha vo vakuchitikiyani chifukwa chakuteŵete Yehova.—Yes. 48:17, 18