Kumbi Mutingagomeza Nadi Malayizgu Ngaku Yehova?

Solomoni ndipuso Yoswa angusimikiza kuti palivi mazu ngaku Yehova ngo nganguleka kufiskika. (Yos. 23:14; 1 Ŵakar. 8:56) Vo ŵanthu akugomezeka ŵaŵi yaŵa angukamba vititiwovya kuti timugomezengi ukongwa Yehova.—2 Ŵakor. 13:1; Tito 1:2.

Kumbi vo Yehova wangulayizga vingufiskika wuli mu nyengu yaku Yoswa? Woneriyani vidiyo yamutu wakuti ‘Palivi Mazu Ngo Ngaleka Kufiskika,’ limoza ndi banja linu. Pavuli paki, kambisanani mafumbu yanga: (1) Kumbi tingayezga wuli chivwanu chaku Rahabi? (Ŵah. 11:31; Yak. 2:24-26) (2) Kumbi vo Akani wanguchita vilongo wuli kuti kuleke dala kuvwiya nkhujidaniya masuzgu? (3) Chinanga kuti asilikali a ku Gibeoni ayiziwanga ukongwa nkhondu, ntchifukwa wuli angupusika Yoswa ndipuso kumunyengere kuti aje pa chimangu ndi Yisraele? (4) Kumbi mazu ngaku Yehova ngangufiskika wuli pa nyengu yo mafumu 5 nga ku Amori nganguyukiya Yisraele? (Yos. 10:5-14) (5) Kumbi Yehova wangukuwovyani wuli chifukwa chakuŵika Ufumu ndi urunji waki pamalu ngakwamba?—Mat. 6:33.

Kuŵanaŵaniya vo Yehova wakuchita, vo wachita sonu, ndipuso vo wazamuchita kunthazi kungatiwovya kuti tingagomezengi ukongwa malayizgu ngaki.—Ŵar. 8:31, 32.