Chinanga kuti Pasika wamiyanga Chikumbusu cha, kweni vinthu vinyaki vo vachitikanga pa Pasika vititisambiza kanthu kanyaki. Mwakuyeruzgiyapu, wakutumika Paulo wangukamba kuti Yesu ndi “mbereri yidu ya Pasika.” (1 Akori. 5:7) Nge mo ndopa za mbereri zataskiyanga ŵanthu asani zawazika pamafulemu nga pakhomu, ndimu so ndopa zaku Yesu zitaskiya ŵanthu mazuŵa nganu. (Chitu. 12:12, 13) Mbereri yeyosi yo yagwiriskikiyanga ntchitu pa Pasika ayifyonga viwanga cha. Mwakuyanana waka, Yesu nayu wangufyoleka chiwanga chechosi cha, chinanga kuti ndimu vakhumbikiyanga mwakukoliyana ndi mwambu asani munthu wayeruzgika kuti wabayiki.—Chitu. 12:46; Yoha. 19:31-33, 36.