TICHITENGI VINTHU NGE AKHRISTU

Muvigwiriskiyengi Ntchitu Mwalusu Vidya vo Tigwiriskiya Ntchitu Pakusambiza

Mubali wapharazgiya munthu ndipu wagwiriskiya ntchitu Bayibolu ndi kabuku

Kusambiza munthu kuyanana waka ndi kuzenga nyumba. Kuti tiyizengi mwalusu, tikhumbika kuziŵa mo tingagwiriskiya ntchitu umampha vidya vidu. Mwakuyanana waka, nasi tikhumbika kusazgiyaku lusu lidu kuti tigwiriskiyengi ntchitu umampha chidya chidu chikulu, Mazu Ngaku Chiuta. (2 Timo. 2:15) Kuti tisambizengi ŵanthu mwalusu, tikhumbika so kugwiriskiya ntchitu mabuku ngidu mwalusu kweniso mavidiyo ngo ngasanirika pa mundandanda wa Vidya vo Tigwiriskiya Ntchitu Pakusambiza.a

Kumbi mungachita wuli kuti muvigwiriskiyengi ntchitu mwalusu Vidya vo Tigwiriskiya Ntchitu Pakusambiza? (1) Pemphani wakuwonere kagulu kinu ka uteŵeti kuti wakuwovyeni, (2) mupharazgengi ndi mpayiniya pamwenga mupharazgi walusu, ndipuso (3) muyeseriyengi mwakuwerezawereza vo mwasambira. Asani mugwiriskiya ntchitu mwalusu mabuku ndi mavidiyo ngenanga, mukondwengi ukongwa ndi ntchitu yakusambiza ŵanthu yo yichitika mazuŵa nganu.

MAGAZINI

TIMABUKU

Vwiyani Chiuta Kuti Muje ndi Umoyu Wamuyaya

Kumbi Mbayani wo Achita Khumbu Laku Chiuta Mazuwa Nganu?

Uthenga Wamampha Wakutuliya Kwaku Chiuta

MABUKU

TIMAPEPALA

Kumbi Muwona Kuti ndi Vinthu Wuli vo Vichitikengi Kunthazi?

Kumbi Ntchinthu Wuli cho Chingawovya Kuti Banja Lije Lakukondwa?

Kumbi ndi Nunkhu ko Tingasaniya Kwamuka kwa Mafumbu ngo Ngatitisuzga pa Umoyu Widu?

MAVIDIYO

Nchifukwa Wuli Tikhumbika Kusambira Bayibolo?

Kumbi Sambiru la Bayibolu Lichitika Wuli?

Kumbi ndi Vinthu Wuli vo Vichitika pa Nyumba ya Ufumu?

TIMAPEPALA TAKUDANIYA ŴANTHU

MAKADI NGAKUZIŴISA ŴANTHU ZA JW.ORG

a Mabuku nganyaki ngo palivi pa mundandanda wa Vidya vo Tigwiriskiya Ntchitu Pakusambiza ngakulembeke ŵanthu apade. Mabuku yanga ngangagwiriskikiya ntchitu pijapija asani mphakwenere.