“Cho Chiuta Wamanga Pamoza . . . ”

Dangu laku Mozesi lakambanga kuti munthulumi yo wakhumba kupata muwolu waki watongi dankha kalata yachipata. Venivi vawovyanga kuti ŵanthu alekengi kupatana pa vifukwa vambula kuvwika. Kweni munyengu yaku Yesu, alongozgi a matchalitchi azomerezanga ŵanthu kumalisa nthengwa pa vifukwa vambula kuvwika. Anthulumi apatanga awolu ŵawu pa chifukwa chechosi cho aŵanaŵana. (“kalata yachipata” fundu zakusambiriya pa Mariko 10:4, nwtsty; “yo wapata muwolu waki ndi kuto munthukazi munyaki, wamuchitiya chigololu,” fundu yakusambiriya pa Mariko 10:11, nwtsty) Yesu wangudidimiza fundu yakuti Yehova ndiyu wakwambisa nthengwa. (Mariko 10:2-12) Iyu wangukamba so kuti munthulumi ndi munthukazi azamuja “liŵavu limoza” kwa umoyu wawu wosi. Malemba ngazomereza kupatana pijapija asani munyaki “wachita chigololu,” nge mo buku la Mateyu likambiya.​—Mate. 19:9.

Mazuŵa nganu, ŵanthu anandi awona nthengwa nge mo Yesu wayiwoniyanga cha, kweni nge mo Afarisi ayiwoniyanga. Yiwu aswera cha kumalisa nthengwa asani akumana ndi masuzgu. Kweni Akhristu akutolana atiliwona mwakupepuka cha phanganu lawu la nthengwa ndipu atesesa kugwiriskiya ntchitu fundu za m’Bayibolu asani akumana ndi masuzgu. Asani mwawonere vidiyo yakuti Chanju ndi Ulemu Vitovya Kuti Ŵanthu Akoliyanengi Mubanja, mukani mafumbu yanga:

• 

  Kumbi lemba la Nthanthi 15:1 lingakuwovyani wuli mubanja linu, nanga ntchifukwa wuli mukhumbika kuchita viyo?

• Kumbi lemba la Nthanthi 19:11 lingakuwovyani wuli kuti mukhwechi masuzgu?

• Asani nthengwa yinu yepafupi kumala, kumbi mukhumbika kujifumba mafumbu nanga?

• Kumbi lemba la Mateyu 7:12 lingakuwovyani wuli kuti muje munthulumi pamwenga munthukazi wamampha?