Tcheŵani ndi Ŵanthu wo Mucheza Nawu pa Intaneti

NTCHIFUKWA WULI NKHWAKUKHUMBIKA: Nge mo vidya vinyaki vititiwovye, kucheza pa intaneti naku kungatiwovya kweniso kungatiŵika mumasuzgu. Akhristu anyaki akaniya limu kucheza ndi ŵanthu pa intaneti. Anyaki agwiriskiya ntchitu intaneti kuti achezengi ndi ŵanthu amubanja lawu kweniso mabwezi ngawu. Kweni Dyaboli wakhumba kuti tigwiriskiyengi ntchitu malu ngakucheziyapu nga pa intaneti munthowa yambula kwenere yo yingananga mbiri yidu kweniso ubwezi widu ndi Yehova. Titenere kugwiriskiya ntchitu fundu za m’Mazu Ngaku Chiuta kuti tiziŵi masuzu ngo tikhumbika kukhwecha, nge mo Yesu wachitiyanga.—Luka 4:4, 8, 12.

TCHEŴANI NDI MBUNA IZI:

• Kucheza ukongwa pa intaneti. Kucheza ndi anyidu pa intaneti kwa maola nganandi kungatimaliya nyengu yakuchitiya vinthu vo vingatiwovya kuti tije pa ubwezi wamampha ndi Yehova

  Fundu za mu Bayibolu: Aefe. 5:15, 16; Afi. 1:10

• Kuwonere pamwenga kuŵerenga vinthu vakukayikisa. Kuwona vithuzi vakuyuska chiryokuryoku chakugonana kungapangisa munthu kuti walutirizgi kuwonere vinthu vakusikuwa kweniso kungamuchitiska kuti wayambi jalidu la ureŵi. Kuŵerenga nkhani za ŵanthu akugaruka naku kungachitiska kuti chivwanu cha munthu chiyambi kumala

  Fundu za mu Bayibolu: Mate. 5:28; Afi. 4:8

• Kulemba ndemanga pamwenga kuŵika vithuzi viheni. Chifukwa chakuti mtima ngwakunyenga, munthu wangalemba ndemanga pamwenga wangaŵika vithuzi viheni pamalu ngakucheziyapu nga pa intaneti. Venivi vingananga mbiri ya munthu yo kweniso ubwezi waki ndi Yehova ungatimbanyizika

  Fundu za mu Bayibolu: Aro. 14:13; Aefe. 4:29

WONERIYANI VIDIYO YAKUTI MALU NGAKUCHEZIYAPU NGA PA INTANETI, PAVULI PAKI KAMBISKANANI MO MUNGAKHWECHE VINTHU IVI: