Kumbi Mucheza Ndiyani pa Intaneti?

Mubwezi winu ndi “munthu yo mukoliyana nayu ukongwa chifukwa chakuti mutanjana pamwenga mutumbikana.” Mwakuyeruzgiyapu, Yonatani ndi Davidi angwamba kwanjana ukongwa Davidi wati wabaya Goliyati. (1Sa 18:1) Weyosi walongonga mijalidu yamampha ndipu venivi vinguchitiska kuti ayanjanengi. Mwaviyo, ubwezi ukho ukongwa asani ŵanthu aziŵana umampha. Kuti muziŵani umampha ndi mubwezi winu pato nyengu kweniso pakhumbika phamphu. Kweni venivi vipambana ukongwa ndi pa malu ngakucheziyapu, chifukwa munthu wasuzgika cha kusaniya mabwezi. Pa malu ngakucheziyapu nga pa intaneti visuzga cha munthu kubisa umunthu waki chifukwa wanozgeke limu vo wangakamba kweniso watijiwonesa nge ndi munthu wamampha. Mwaviyo, tikhumbika kujiŵikiya mphaka ya ŵanthu wo ticheza nawu pa intaneti. Asani ŵanthu wo titiŵaziŵa cha atitipempha kuti tije mubwezi wawu pa malu ngakucheziyapu, tikanengi. Tingawopanga cha kuti tiŵaguŵiskengi asani taŵakaniya. Chifukwa cha kopa masuzgu ngenanga, anyaki akhumba cha kugwiriskiya ntchitu malu ngakucheziyapu. Kumbi mutenere kukumbukanji asani mukhumba kugwiriskiya ntchitu malu ngakucheziyapu nga pa intaneti?

WONERIYANI VIDIYO YAKUTI MALU NGAKUCHEZIYAPU NGA PA INTANETI, NDIPU MUKANI MAFUMBU YANGA:

• 

  Kumbi mutenere kuŵanaŵaniyanji mwechendatumizi meseji ndipuso vithuzi pa malu ngakucheziyapu?

• 

  Ntchifukwa wuli mukhumbika kuphwere pakusankha ŵanthu akucheza nawu pa intaneti?

• 

  Ntchifukwa wuli mutenere kujiŵikiya nyengu yo mungagwiriskiya ntchitu pa malu ngakucheziyapu?​—Aef 5:15, 16