Mo Tingasazgiyaku Lusu Lidu Mu Uteŵeti​—Yiziŵeni Umampha Webusayiti Yidu ya JW.ORG

NTCHIFUKWA WULI NKHWAKUKHUMBIKA: Mabuku kweniso mavidiyo ngo nge pa mundandanda wa Vidya vo Tigwiriskiya Ntchitu Pakusambiza ngatitilongozge ku webusayiti yidu ya jw.org. Tikhumba kuti ŵanthu ayiziŵi webusayiti yeniyi. Ndichu chifukwa chaki tigaŵiya Kadi lakuziŵisa ŵanthu za JW.ORG ndipuso kapepala kakuti Kumbi ndi Nunkhu ko Tingasaniya Kwamuka kwa Mafumbu ngo Ngatitisuzga pa Umoyu Widu? Tingagwiriskiya ntchitu jw.org kuti tigaŵiyi buku pamwenga vidiyo kutuliya pa mundandanda wa Vidya vo Tigwiriskiya Ntchitu Pakusambiza. Tingamutumiziya linki, pamwenga buku kuziya pakompyuta pamwenga pafoni. Venivi vingawovya ukongwa asani munthu yo walongoro chineneru chinyaki. Kweniso nyengu zinyaki ŵanthu angatifumba mafumbu ngo kumuka kwaki kusanirika mumabuku ngo palivi pa mundandanda wa Vidya vo Tigwiriskiya Ntchitu Pakusambiza. Ndichu chifukwa chaki tikhumbika kuyiziŵa umampha webusayiti yidu kuti tipharazgiyengi ŵanthu mwakuŵafika pamtima.

MO TINGACHITIYA:

• 

  Gwiriskiyani ntchitu chigaŵa chakuti “ZIMENE BAIBULO LIMAPHUNZITSA.” Tiyeruzgiyi kuti mupharazgiya mpapi yo wakhumba kuziŵa vinandi va mo wangalere ŵana. Lutani pa chigaŵa chakuti ZIMENE BAIBULO LIMAPHUNZITSA > ANTHU OKWATIRANA KOMANSO MABANJA.

• Gwiriskiyani ntchitu chigaŵa chakuti “MABUKU.” Tiyeruzgiyi kuti mupharazga mwamwaŵi kusukulu ndipu mukhumba kugaŵiya kabuku kakuti Kwamuka Kwa Mafumbu 10 ngo Achinyamata Afumba kwa anyinu wo mwe nawu kilasi limoza. Lutani pa chigaŵa chakuti MABUKU > MABUKU NDI TIMABUKU.

• Gwiriskiyani ntchitu chigaŵa chakuti “VAKUKWASKANA NDI ISI.” Tiyeruzgiyi kuti mupharazgiya munthu yo mugwira nayu ntchitu ndipu wakhumba kuziŵa vo isi tigomezga. Lutani pa chigaŵa chakuti VAKUKWASKANA NDI ISI > MAFUMBU NGO ŴANTHU AFUMBA KAŴIKAŴI NGAKUKWASKANA NDI AKABONI AKU YEHOVA.

WONERIYANI VIDIYO YAKUTI YIZIŴENI UMAMPHA WEBUSAYITI YIDU YA JW.ORG, PAVULI PAKI SANKHANI CHIGAŴA CHO CHINGAKUWOVYANI PA WEBUSAYITI IYI KUTI MUKAMBISKANI NDI:

• munthu yo wagomezga kuti Chiuta kulivi

• munthu yo wakumana ndi masoka ngakulu

• mubali pamwenga mzichi wakulopwa

• munthu yo mungumuphazgiyapu ndipu wakhumba kuziŵa ko kutuliya ndalama zo titendese ntchitu yidu

• munthu yo watuliya kucharu chinyaki ndipu wakhumba kuti wakawungani ndi abali kweniso azichi kucharu chaki