Kumbi Tingasambiranji mu Sumu Zidu Zinyaki Zapade?

Kumbi ndi sumu zinyaki nizi zapade zo mutanja? Nanga ntchifukwa wuli mutiziyanja? Kumbi muziŵa kuti vinthu vo viwoneka mu sumu izi ndivu nadi vichitika zuŵa lelosi? Munthu weyosi wangayanduwa ndi sumu izi chifukwa zikonkhoska vinthu vakupambanapambana kweniso zimbika mwakupambanapambana. Chinanga kuti veviyo, sumu zidu zapade kweniso mavidiyo ngaki vikupangika kuti vitikondwesengi waka cha, kweni kuti tisambirengepu kanthu.

Mu sumu yeyosi tisambiramu vinthu vinyaki vo vingatiwovya pa umoyu widu wachikhristu ndipuso mu uteŵeti. Sumu zinyaki zikonkhoska umampha wakulondere alendu, kukoliyana, ubwezi, chiganga, chanju, kweniso chivwanu. Ndipu zinyaki zikonkhoska vo tingachita kuti tiwere kwaku Yehova, mo tingagowoke anyidu, mo tingalutirizgiya kuja akugomezgeka, kweniso mo tingasazgiyaku uteŵeti widu. Pe so sumu yinyaki yo yilongo mo tingagwiriskiya ntchitu umampha mafoni ngidu. Kumbi ndi vinthu vinyaki nivi vakovya vo mwasambira mu sumu zenizi?

WONERIYANI VIDIYO YA SUMU YAKUTI CHARU CHIFYA CHE PAFUPI UKONGWA, PAVULI PAKI MUKANI MAFUMBU YANGA:

• Kumbi banja la ŵanthu akukota muvidiyo iyi liŵanaŵaniya vinthu vamampha nivi vo vazamuchitika kunthazi?—Chiya. 12:3

• Kumbi tingachita wuli kuti tigomezgengi ndi mtima wosi kuti Yehova wazamufiska vo wakulayizga?

• Kumbi ndi vinthu wuli vakukondwesa vo vichitikengi pambula kuswera yapa?

• Kumbi kugomezga Ufumu waku Chiuta kungatiwovya wuli kuti tikunthiyengepu mayeseru ngo tikumana nangu sonu?—Aro. 8:25