Mo Tingasazgiyaku Lusu Lidu mu Uteŵeti—Kupharazgiya Ŵanthu wo Aleka Kuwona

KUMBI VENIVI VAKUKHUMBIKA WULI?: Ŵanthu wo aleka kuwona afwatuka cha kulongoro ndi ŵanthu bweka. Mwaviyo, tikhumbika kuchita vinthu mwalusu kuti tiŵapharazgiyi. Yehova watiŵaŵanaŵaniya ukongwa ŵanthu wo aleka kuwona. (Ŵale. 19:14) Nge mo Yehova wachitiya, nasi tikhumbika kuchitapu kanthu kuti tiŵawovyi kuti amuziŵi Yehova.

KUMBI TINGACHITA WULI VENIVI?:

• Fufuzani ŵanthu wo aleka kuwona. (Mate. 10:11) Kumbi pe banja linyaki lo muziŵa kuti pe munthu yo waleka kuwona? Kumbi muchigaŵa chinu mwe masukulu pamwenga malu ngakusungiyaku ŵanthu ambula kuwona wo angayanja kulonde mabuku ngidu?

• Mulongongi kuti mutiŵaŵanaŵaniya. Munthu yo waleka kuwona wangafwatuka namwi asani mukambiskana nayu mwaulemu kweniso mwaubwezi. Yesani kukambiskana nayu nkhani yo wangayanja

• Awovyeni kuti aje paubwezi ndi Yehova. Kuti tiwovyi ŵanthu wo atondeka kuwona, gulu laku Yehova likupanga mabuku ngakupambanapambana nga ŵanthu ŵenaŵa. Mufumbeni munthu yo watondeka kuwona kuti wakambi mtundu wa mabuku ngo wangayanja kuŵerenga. Wakuwonere uteŵeti watenere kuwonesesa kuti mteŵeti wa mabuku wadanisa mabuku ngo ŵanthu yaŵa angayanja