Muthamikengi Yehova Mwakuchita Upayiniya

Ayisirayeli ŵenga ndi vifukwa vakuvwika vakuthamikiya Yehova. Iyu wanguŵatuzga ku Ijipiti ndipuso kuŵataska kwa asilikali aku Farawo! (Chitu. 15:1, 2) Yehova walutirizga kuŵachitiya vinthu vamampha ŵanthu ŵaki. Kumbi tingalongo wuli kuti tiwonga vo watitichitiya?—Sumu 116:12.

Nthowa yimoza nkhuchita upayiniya wakovya pamwenga wanyengu zosi. Mupemphengi Yehova kuti wakupaseni nthazi kweniso mtima wakukhumba kuchita upayiniya. (Afi. 2:13) Ŵanthu anandi atamba dankha kuchita upayiniya wakovya ŵechendayambi upayiniya wanyengu zosi. Mungasankha kuchita upayiniya wa maola 30 pamwenga 50 mu mwezi wa March ndi April kweniso asani wakuwonere dera wacheze mpingu winu. Asani mwawona mo upayiniya wakovya unozge mungayamba kuchita upayiniya wanyengu zosi. Ŵanthu anyaki wo agwira ntchitu mazuŵa ngosi pamwenga wo atama afiska kuchita upayiniya wanyengu zosi. (mwb16.07 8) Yehova ndiyu watitiwovya pa vosi vo tichita pakumuthamika!—1 Miko. 16:25.

WONERIYANI VIDIYO YAKUTI AZICHI ATATU A MUBANJA LIMOZA A KU MONGOLIA, PAVULI PAKI MUKANI MAFUMBU YANGA:

• 

  Kumbi ndi masuzgu wuli ngo azichi yaŵa angukumana nangu ndipu angumalana nangu wuli kuti afiski kuchita upayiniya?

• 

  Kumbi asaniya vitumbiku wuli?

• 

  Kumbi ndi mwaŵi wuli wa uteŵeti wo asaniya chifukwa chakuchita upayiniya?

• 

  Kumbi vo achita vawovya wuli ŵanthu anyaki?