Tilongo Chanju Asani Tikoliyana ndi Chilangu Chakutuliya Kwaku Yehova

Kusezga munthu kutovya kuti mpingu uvikiliriki kweniso kuti munthu yo wasezgeka wasinthi. (1Ak 5:6, 11) Tilongo kuti titanja Yehova kweniso munthu yo wasezgeka asani tikoliyana ndi chilangu cho wapasika. Ntchifukwa wuli tikamba kuti titanja Yehova kweniso munthu yo wasezgeka penipo abali ŵaki kweniso abali wo ayeruzganga nkhani yaki vitiŵaŵaŵa mu mtima?

Kuphara vosi, tilongo kuti titanja Yehova asani titesesa kutumbika zina laki ndipuso fundu zaki. (1Pe 1:14-16) Kweniso tilongo kuti titanja munthu yo wasezgeka. Chinanga kuti chilangu chituŵa chakuŵaŵa, kweni pavuli paki chibala “chipasu cha chimangu cho mburunji.” (Ah 12:5, 6, 11) Tingalongo kuti tiyuyuwa chilangu chaku Yehova asani ticheza ndi ŵanthu wo asezgeka pamwenga wo aleka ŵija kuwungana. Kumbukani kuti Yehova walanga ŵanthu ŵaki “mwakwenere.” (Yer 30:11) Mwaviyo, tikhumbika kulutirizga kukoliyana ndi chilangu chaku Yehova kweniso kuchita vosi vo tichita pakumuteŵete, uku tilindizga kuti zuŵa linyaki mubali widu wazamuwere so kwa Awusefwi alisungu.—Yes 1:16-18; 55:7.

WONERIYANI VIDIYO YA MUTU WAKUTI LUTIRIZGANI KUJA AKUGOMEZGEKA NDI MTIMA WOSI, NDIPU MUKANI MAFUMBU YANGA:

• 

  Kumbi apapi Achikhristu wo mwana wawu waleka kuteŵete Yehova atuvwa wuli mu mtima?

• 

  Kumbi mpingu ungaŵawovya wuli ŵanthu wo mubali wawu wasezgeka?

• 

  Kumbi ndi nkhani nizi za mu Bayibolu zo zititisambiza kuti tikhumbika kuja akugomezgeka ukongwa kwaku Yehova kuluska kwa abali ŵidu?

• 

  Kumbi tilongo wuli kuti te akugomezgeka ukongwa kwaku Yehova kuluska kwa abali ŵidu?