Chilangu Chilongo Kuti Yehova Watitiyanja

Chilangu ching’anamuwa kupereka ulongozgi ndipuso kusambiza, kweni chingasazgapu so kunyolo ndi kuchenya. Yehova watitilanga kuti timuteŵetiyengi mu nthowa yo iyu wakondwa nayu. (Ar 12:1; Ah 12:10, 11) Nyengu zinyaki chilangu chingaŵa chakupweteka, kweni asani tingagwiriyapu ntchitu tingaŵa akwenere pamasu paku Chiuta ndipu tingatumbikika. (Nth 10:7) Kumbi wo apereka ulongozgi kweniso kulonde akhumbika kukumbukanji?

Yo wapereka. Ŵara, apapi kweniso anyaki ayesesa kupereka ulongozgi mwalisungu kweniso mwachanju. (Yer 46:28) Ulongozgi ukhumbika kuperekeka mwakukoliyana ndi vo munthu wanangisa kweniso mwachanju.—Tit 1:13.

Yo walonde. Mwemosi mo ulongozgi ungaperekeke, tingakananga cha kweni tiwugwiriskiyengi ntchitu. (Nth 3:11, 12) Pakuti te ŵanthu ambula kufikapu, tosi tikhumbika kulonde chilangu mu nthowa zakupambanapambana. Tingalonde chilangu kuziya mu vo tiŵerenga mu Bayibolu kweniso vo tisambira pa maunganu. Ndipu nyengu zinyaki tingalonde chilangu pamwenga ulongozgi kutuliya ku komiti ya kuyeruzga milandu. Asani tilonde chilangu pamwenga ulongozgi vingatiwovya kuti tije ndi umoyu wamampha.—Nth 10:17.

WONERIYANI VIDIYO YAKUTI “YEHOVA WALANGA WO WATIŴAYANJA,” NDIPU MUKANI MAFUMBU YANGA:

• 

  Kumbi pakwamba Canon wenga ndi nkharu wuli, nanga wangusintha wuli?

• 

  Kumbi wangulonde chilangu wuli kutuliya kwaku Yehova?

• 

  Kumbi vo wangukumana navu vititisambizanji?