CHUMA CHAKUTULIYA MU MAZU NGAKU CHIUTA

Yehova Wakhumba Kuti Ŵanthu Ŵaki Achitengi Vinthu Mwandondomeku

[Wonesani vidiyo yakuti Vo Vingatiwovya Kuvwisa Buku la Numeri.]

Ayisirayeli anguzenga mahema mwakukoliyana ndi magulu ngawu nga mafuku ngatatu (Nu 1:52, 53; w94 12/1 9 ¶4)

Ayisirayeli wosi pamoza atenere kuti ŵengapu 3,000,000 pamwenga kujumpha (Nu 2:32, 33; it-1 397 ¶4)

Yehova wakhumba kuti ŵanthu ŵaki amusopengi munthowa yo iyu wakhumba. Nge mo venge ndi Ayisirayeli ndimu so viliri kwa Akhristu mazuŵa nganu.—1Ak 14:33, 40.

Mo msasa wa Ayisirayeli wawonekiyanga. Chihema chenga pakati. Mabanja nga fuku laku Levi ngo ngenga pafupi ndi chihema ngenga yanga: Aroni wenga kuvuma, Akohati ku mwera, Agerisoni kuzambwi ndipu Amerari ku nkhondi. Mafuku 12 nga Ayisirayeli ngo ngenga kutali ndi chihema ndi yanga. Kuvuma kwenga Isakara, Yuda ndi Zebuloni. Kumwera kwenga Gadi, Rubeni ndi Simiyoni. Kuzambwi kwenga Benjamini, Efurayemu ndi Manasi. Kunkhondi kwenga Nafutali, Dani ndi Ashere.

JIFUMBENI KUTI, ‘Kumbi ndingalongo wuli kuti nditovya gulu laku Yehova ndi mtima wosi?’