Musambizengi Kutuliya Pasi pa Mtima

Kusambiza kutuliya pasi pa mtima kutovya kuti uthenga widu uŵafikengi pamtima ŵanthu. Kweniso asani tisambiza mwakutuliya pasi pa mtima tilongo kuti uthenga widu ngwakuzirwa. Chinanga kuti tingaŵa ndi soni, mantha pamwenga tikukuliya pani, kweni tingasambiza kutuliya pasi pa mtima. (Ar 12:11) Kumbi tingachita wuli venivi?

Chakwamba, ŵanaŵaniyani kukhumbika kwa uthenga winu. Ndi mwaŵi ukulu kugwiraku ntchitu ya kupharazga “uthenga wamampha wa vinthu vamampha!” (Ar 10:15) Chachiŵi, muŵanaŵaniyengi mo uthenga wamampha ungawovye ŵanthu. Yiwu akhumbisiska kuvwa vo mukhumba kuŵakambiya. (Ar 10:13, 14) Chakumaliya, mukambengi ndi mtima wosi, mugwiriskiyengi ntchitu majesichala nge mo mulongolore nyengu zosi ndipu chisku chinu nachu chilongongi mo muvwiya.

WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—SAZGIYANIKU LUSU LINU—MUSAMBIZENGI KUTULIYA PASI PA MTIMA, NDIPU MUKANI MAFUMBU YANGA:

• 

  Kumbi ntchinthu wuli cho chinguchitiska kuti Neeta waleki kusambiza Jade kutuliya pasi pa mtima?

• 

  Kumbi ntchinthu wuli cho chinguwovya Neeta kuti wayambi so kusambiza kutuliya pasi pa mtima?

• 

  Ntchifukwa wuli tikhumbika kuŵanaŵaniya ukongwa vinthu vo akuvwisiya achita umampha?

• Asani tisambiza ŵanthu kutuliya pasi pa mtima, kumbi vingaŵawovya wuli?