Lutirizgani Kusambiza Lusu Linu la Kuvwisa Vinthu

Munthu yo wachita masaza ngakutchimbiya wakhumbika kuyesere nyengu zosi kuti waje ndi lusu. Mwakuyanana waka nasi tikhumbika kuyesesa kulutirizga kusambiza lusu lidu la kuvwisa vinthu. (Ah 5:14) Chinanga kuti nyengu zinyaki tingayende waka vo anyidu asankha, kweni tikhumbika kugwiriskiya ntchitu lusu lidu la kuŵanaŵana kuti tisankhengi tija vakuchita. Ntchifukwa wuli? Chifukwa chakuti weyosi wazamumuka yija pa vo wasankha.—Ar 14:12.

Tingaŵanaŵananga cha kuti tisankhengi umampha vinthu chifukwa chakuti pajumpha vyaka vinandi kutuliya po tikubatizikiya. Kuti tisankhengi vinthu mwazeru, tikhumbika kuthemba ukongwa Yehova, Mazu ngaki kweniso gulu laki.—Yos 1:7, 8; Nth 3:5, 6; Mt 24:45.

WONERIYANI VIDIYO YAKUTI “LUTIRIZGANI KUJA NDI NJUŴI YAMAMPHA,” NDIPU MUKANI MAFUMBU YANGA:

• 

  Kumbi Emma wakhumbikanga kusankhanji?

• 

  Ntchifukwa wuli tikhumbika cha kukamba maŵanaŵanu ngidu pa nkhani yo munthu wakhumbika kusankha yija mwakukoliya ndi njuŵi yaki?

• 

  Kumbi banja linyaki lingumupaska ulongozgi wuli Emma?

• 

  Kumbi Emma wanguwusaniya pani ulongozgi wo ungumuwovya kuti wasankhi umampha?