Mo Tingagwiriskiya Ntchitu Masachizgu nga mo Mungapharazgiya

Abali agwira ntchitu mwaphamphu kuti anozgi masachizgu nga mo mungapharazgiya. Apharazgi anandi awona kuti masachizgu ngenanga ngatovya ukongwa asani apharazga muchigaŵa chawu. Kweni chifukwa chakuti vinthu vipambana pacharu chosi, asani apharazgi ŵe mu uteŵeti angagwiriskiya ntchitu nthowa zinyaki pamwenga nkhani yinyaki yo ŵanthu a muchigaŵa chawu angakondwa nayu. Kweni pa nyengu ya upharazgi wapade, weyosi wakhumbika kulondo ulongozgi wo tipaskika. Chilatu chidu nkhufiska ntchitu yakupharazga uthenga wamampha wa Ufumu yo Yesu wakutituma.​—Mt 24:14.

Asani mwapaskika nkhani, mukhumbika kugwiriskiya ntchitu masachizgu nga mo mungapharazgiya ngo nge mu Kabuku ka Umoyu Wachikhristu Ndipuso Uteŵeti. Kweni mupharazgi wangasankha yija fumbu, lemba, fumbu la ulendu wakuweliyaku pamwenga nthowa yeyosi yo wangagwiriskiya ntchitu yo yingawovya ŵanthu a muchigaŵa chaki, kupatuwapu asani ulongozgi wakonkhoska vinyaki. Venivi vilongo kuti ulongozgi wo wenga mu kabuku ka unganu ka June 2020 peji 8 wasintha.