Kumbi Mwendi Vilatu Wuli mu Chaka Chasonu cha Uteŵeti?

Vilatu vauzimu visazgapu chechosi cho titesesa kuchita kuti titeŵete Yehova mwakukwana kweniso kuti timukondwesi. Vilatu vauzimu vititiwovya kuti tije akukhwima mwauzimu ndipuso kuti tigwiriskiyengi ntchitu nyengu ndi nthazi yidu pakuteŵete Yehova. (1Ti 4:15) Ntchifukwa wuli tikhumbika kusanda vilatu vidu nyengu zosi? Chifukwa vinthu visintha paumoyu. Vilatu vo tenga navu pakwamba panyaki vingaŵa kuti vingafiskika cha, pamwenga vikufiskika kali ndipu tikhumbika kuja ndi vilatu vinyaki.

Mujiŵikiyengi vilatu chaka chasonu cha uteŵeti chechendifiki. Vingaŵa umampha kuti mukambiskani nkhani yeniyi pakusopa kwa pa banja kuti weyosi waje ndi vilatu kweniso vo mungafiska nge banja.

Kumbi mungaŵa ndi vilatu wuli pa vigaŵa ve mumphata umu, nanga ndi vinthu wuli vo mungachita kuti mufiski vilatu vinu?