TICHITENGI VINTHU NGE AKHRISTU
Muthembengi Yehova Asani Ŵanthu Atikusuzgani
Tingayamba kusuzgika maŵanaŵanu kweniso kuleka kukondwa asani anyidu atitisuzga. Ubwezi widu ndi Yehova ungatimbanyizgika asani anyidu asuska vo tigomezga. Kumbi mungajivikiliya wuli asani ŵanthu atikusuzgani?
Ateŵeti anandi aku Yehova akunthiyapu asani anyawu atiŵasuzga chifukwa chakuti athemba Yehova. (Sl 18:17) Mwakuyeruzgiyapu, Esiteri wangulongoro mwachiganga pakuvumbuwa chiŵembu cho Hamani wangunozga. (Est 7:1-6) Wechendavumbuwi chiŵembu chenichi, iyu wangufunga dankha kulongo kuti wagomezganga Yehova. (Est 4:14-16) Yehova wangutumbika Esiteri, wangumuvikiriya kweniso wanguvikiriya ŵanthu ŵaki.
Achinyamata, asani munthu munyaki watikusuzgani, mupemphengi Yehova kuti wakuwovyeni ndipuso mukambiyengi munthu mura wakukhwima, nge mpapi winu. Musimikizengi kuti Yehova wangakuwovyani nge mo wanguwovye Esiteri. Kumbi ndi vinthu wuli vinyaki vo mungachita asani anyinu atikusuzgani?
WONERIYANI VIDIYO YAKUTI UMOYU WANGU NGE WACHINYAMATA—KUMBI NDINGACHITA WULI ASANI ANYANGU ATINDISUZGA? NDIPU MUKANI MAFUMBU YANGA:
Kumbi achinyamata angasambiranji kwaku Charlie ndi Ferin?
Kumbi apapi angasambiranji ku vo Charlie ndi Ferin angukamba vo vingawovya ŵana ŵawu kuti akunthiyengepu asani anyawu atiŵasuzga?