TICHITENGI VINTHU NGE AKHRISTU

Wovyani Ŵanthu wo Aleka Kusopa Kuti Aziŵi Mulengi Wawu

Kumbi mutondeka kupharazgiya ŵanthu wo asopa cha chifukwa muŵanaŵana kuti angavwisiya cha uthenga wo mutiŵapharazgiya? Asani ndiviyo, ziŵani kuti ŵanthu anandi wo asopa Chiuta cha kusazgiyapu wo agomezganga kuti kulivi Chiuta, sonu mbakaboni aku Yehova. Yiwu akhumbikanga waka kuŵawovya kuti asaniyi ukaboni wakuti Chiuta waliku nadi.—Ar 1:20; 10:14.

WONERIYANI VIDIYO YAKUTI ZIŴANI KUTI ŴANTHU AMBULA CHIVWANU ANGAJA NDI CHIVWANU!—ŴANTHU WO ASOPA CHA, NDIPU MUKANI FUMBU ILI:

Kumbi vo vinguchitikiya Tommaso vakuwovyani kuti muje ndi maŵanaŵanu wuli asani mupharazgiya ŵanthu wo asopa cha?

Your answer

Mo mungachitiya venivi

Asani munthu wakamba kuti wagomezga Chiuta cha, muchitengi nayu vinthu mwalisungu, mwakuphwere ndipuso muvwisiyengi maŵanaŵanu ngaki kweniso vo wakamba. (2Ti 2:24) Mukambiskanengi nayu nkhani zo zingamuchitiska kuti waje ndi mtima wakhumba kuziŵa vinandi. Kumbi wakhumbisiska kukambiskana nayu maukaboni ngo ngawovya ŵanthu anandi kugomezga kuti kwe Mlengi? Asani ve viyo, mungagwiriskiya ntchitu mabuku ndipuso mavidiyo ngo ngakupangikiya kuti ngawovyengi ŵanthu kugomezga kuti kwe Mlengi. Kabuku kakuti Kumbi Vamoyu Vikujaku Waka Vija? ndi kakuti Mo Umoyu Ukwambiya—Mafumbu 5 Ngo Titenere Kujifumba, tawikika pa mundandanda wa Vidya Vakusambiziya kuti tisanirikengi mwambula kusuzga.

Pakwamba, mungaŵa ndi mantha kupharazgiya munthu yo wagomezga kuti kulivi Chiuta. Fumbani mupharazgi walusu kuti wakuwovyeni. Mungaluwanga so cha kuti Yehova wangatiwovya kuti tiŵafiki pa mtima ŵanthu a maŵanaŵanu ngamampha chinanga kuti pakwamba agomezganga cha kuti Chiuta waliku.—Mac 13:48.

Kabuku kakuti Kumbi Vamoyu Vikujaku Waka Vija?”

Kabuku kakuti Mo Umoyu Ukwambiya—Mafumbu 5 Ngo Titenere Kujifumba.”