Mugwiriskiyengi Ntchitu Bayibolu nge Gilasi

Wakutumika Yakobe wangukamba kuti Bayibolu le nge gilasi lo lititiwovya kuziŵa umunthu widu wamkati. (Yako. 1:​22-25) Kumbi tingachita wuli kuti tigwiriskiyengi ntchitu Bayibolu nge gilasi?

Tiŵerengengi Bayibolu mwakuphwere. Asani tileresa mwakuthaŵiriya pa gilasi, tingaziŵa cha vo tikhumbika kunozga. Mwakuyanana waka, asani tiŵerenga Bayibolu mwakuthaŵiriya, tingaziŵa cha vo tikhumbika kusintha pa umoyu widu. Mwaviyo, tikhumbika kuthaŵiriya cha asani tiŵerenga Bayibolu.

Tiwonengi vo tikhumbika kusintha mumalu mwakuwona vo anyidu akhumbika kusintha. Nyengu zinyaki asani gilasi taliŵika uheni, tingayamba kuwona mo anyidu awoneke kweniso vinthu vo akhumbika kunozga. Mwakuyanana waka, nyengu zinyaki tingaŵerenga Bayibolu ndi kwamba kuŵanaŵaniya vinthu vo anyidu akhumbika kusintha. Venivi vingachitiska kuti titondeki kunozga vinthu vo isi tinangisa.

Tiwonengi vinthu mwakwenere. Asani tileresa pa gilasi ndipu tawona kuti tiwoneka umampha cha, vingapangisa kuti tiguŵi. Mwaviyo, asani tiwerenga Bayibolu, tikhumbika cha kujiŵanaŵaniya ukongwa kuluska mo Yehova watitiwone.—Yako. 3:17.