Mugwiriskiyengi Ntchitu Malifalensi ngo Ngasanirika Pakati mu Bayibolu

Malifalensi ngo ngasanirika pakati mu Bayibolu la Charu Chifya la Malemba Ngakupaturika ngalongo kuti Bayibolu ndakukoliyana. Malifalensi yanga ngatitiwovya kusaniya mavesi nganyaki ngo nge ndi fundu yakuyanana ndi vesi lo tiŵerenga ndipu venivi vititiwovya kuziŵa vinandi pa nkhani yo. Kuti musaniyi malifalensi yanga asani mugwiriskiya ntchitu Bayibolu lakuchita kusindikiza, chakwamba wonani chilembu pamwenga nambala yo yaŵikika pafupi ndi mazu ngo nge pa vesi. Pavuli paki, lutani pakati papeji kuti musaniyi chilembu pamwenga nambala yo. Kweni asani muŵerenga Bayibolu pa jw.org pamwenga pa JW Library^®, bofoni waka pa chilembu pamwenga pa nambala yo.

Malifalensi ngo ngasanirika pakati mu Bayibolu ngangatiwovya kusaniya vinthu vinandi kusazgapu ivi:

Malemba ngo nge ndi nkhani zakuyanana: Malifalensi ngangakulongoni lemba linyaki lo le ndi nkhani yakuyanana waka. Mwakuyeruzgiyapu, wonani 2 Samuyeli 24:1 ndi 1 Mbiri 21:1.

Po patuliya mazu nga pa lemba linyaki: Malifalensi ngangalongo vesi lo patuliya mazu nga pa vesi lo muŵerenga. Mwakuyeruzgiyapu, wonani Mateyu 4:4 ndi Dotoronome 8:3.

Kufiskika kwa uchimi: Malifalensi ngangalongo vesi lo lilongo mo uchimi ungufiskikiya. Mwakuyeruzgiyapu, wonani Mateyu 21:5 ndi Zekariya 9:9.