Vo Mungachita Asani Muja Mwija
Kumbi muja mwija kweniso muchita phukwa? Asani ndi viyo, mungajivwa nge mo wanguvwiya yo wangulembaku buku la Masalimo. Iyu wangukamba kuti: “Nde nge kayuni ko ke kija pachanya pa nyumba.” (Masalimo 102:7) Bayibolu lingakuwovyani kumalana ndi masuzgu ngo ngatuza chifukwa cha kuja wija.
Mujengi pa ubwezi ndi Chiuta
Chinanga mungaja mwija, mungakondwa asani mungaziŵa kuti mukhumbika Chiuta ndi kuja nayu pa ubwezi. (Mateyu 5:3, 6) Vinthu ivi vingakuwovyani.
Bayibolu la pa Intaneti lo likufwatulika mwakulondo kweniso lambula kusuzga kuŵerenga
Sambiru la Bayibolu la pa Intaneti limuka nganyaki mwa mafumbu ngakukhumbika ukongwa pa umoyu
Mavidiyo ngafupi ngo nge ndi fundu zinyaki zakukhumbika za mu Bayibolu
“Mafumbu ngo Bayibolu Limuka”—Pa chigaŵa ichi pamukika mafumbu ngo ŵanthu anandi afumba kaŵikaŵi
“Yezgani Chivwanu Chawu”—Nkhani izi zitikuwovyani kuŵanaŵaniya mo umoyu we nge kwa anthulumi ndi anthukazi akugomezgeka wo akulembeka mu Bayibolu
“Kumbi Vikujaku Waka Vija?”—Nkhani izi zikonkhoska kutowa kwa vinthu va muchilengedu kweniso mo vikupangikiya mwakuziziswa
Muŵerengengi nkhani zakuchiska za mu Bayibolu
Malemba ngo nge mumphata, ngapembuzgapu ŵanthu anandi. Mumalu mwakuŵerenga nkhani zinandi pa nyengu yimoza, gwiriskiyani ntchitu nyengu yo muja mwija kuŵanaŵaniya nkhani yeyosi yo mwaŵerenga ndi kuromba kwaku Chiuta.—Mariko 1:35.
Ziŵani chifukwa cho vinthu viheni vichitikiya pacharu
Mungafiska kumalana nayu umampha suzgu yeyosi yo mungakumana nayu, asani muziŵa chifukwa cho vinthu viheni vichitikiya pacharu kweniso mo Chiuta wazamumalisiya vinthu venivi.—Yesaya 65:17.
Kumbi Bayibolu likambanji pa nkhani ya matenda ndi kuphwere umoyu?
Kumbi ndi vinthu wuli vo vilongo kuti te mu mazuŵa ngakumaliya?
Kumbi ŵanthu anayi wo akwera pa mahachi wo akambika mu buku la Chivumbuzi mbayani?
Mungafipiyanga mtima vinthu vambula kukhumbika cha
Nkhani zo zisanirika pa mitu yo ye mumphata umu, zingakuwovyani kuleka kusuzgika maŵanaŵanu chifukwa chakuti muja mwija ndipu ‘mungaleka kufipa mtima.’—Mateyu 6:25.
Kusuzgika maŵanaŵanu pa nkhani ya ndalama
Jani ndi mabwezi
Mabwezi ngangakuwovyani kuŵanaŵana umampha kweniso kuja ndi umoyu wanthazi ndipu ngakukhumbika so ukongwa chinanga mphanyengu yo muleka kucheza nangu masu ndi masu. Asani mutuwapu cha pa nyumba, mungagwiriskiya ntchitu videoconferencing pamwenga kuŵambiya anyinu, kuti ubwezi winu ndi yiwu ulutirizgi kuja wakukho kweniso kuti muje ndi mabwezi ngasonu. Nkhani zo ze mumphata zingakuwovyani kusaniya mabwezi ngamampha kweniso kuja “bwezi chayilu.”—Nthanthi 17:17.
Muchitengi masaza
Bayibolu lilongo kuti “masaza ngatovya.” (1 Timote 4:8) Ngangakuwovyani kuŵanaŵana umampha kweniso kukondwa, ukongwa pa nyengu yo muja mwija. Chinanga mphanyengu yo mutuwapu cha pa nyumba, pe vinthu vinyaki vo mungachita vo vingakuwovyani.