Kugwiriskiya Ntchitu Vikozgu Pakusopa—Kumbi Bayibolu Likambanji?

Mwakukoliyana ndi vo nyuzipepala ya Katolika yingukamba, pa nyengu ya mwambu wo unguchitika pa 25 March 2022 ku St. Peter’s Basilica, Papa Francis wanguma kunthazi kwa chikozgu chaku Mariya, iyu “wangusizimiya ndikwamba kupemphera chamumtima wasindamisa mutu waki.” Papa wapempheranga “kwaku Mariya mwakuŵeyere” kuti paje chimangu pakati pa charu cha Russia ndi Ukraine. Nyuzipepala ya Vatican yingukamba so kuti: “Papa wangupemphera kwaku Mariya (Immaculate Heart of Mary) kuti watumbiki vakuchita va ŵanthu (Act of Consecration of humanity), ukongwa charu cha Russia ndi Ukraine.”

Kumbi muwona wuli? Kumbi mphakwenere kupemphera pamwenga kusopa mwakugwiriskiya ntchitu vikozgu? Wonani mavesi nga mu Bayibolu yanga:

• “Ungajipangiyanga chikozgu chakusema cha, pamwenga chikozgu cha chinthu chechosi chakuchanya, chapacharu chapasi pamwenga chamumaji nga pacharu chapasi. Ungavisindamiyanga cha pamwenga kunyengeka kuti uviteŵete, pakuti ini Yehova Chiuta waku, ndini Chiuta yo wakhumba kuti ŵanthu ajiperekengi kwaku ini pe.”—Ekisodo 20:4, 5.a

• “Angoza ŵawu mbasiliva ndi golidi, ntchitu ya manja nga ŵanthu. Mulomu ŵe nawu, kweni angalongoro cha; masu ŵe nangu, kweni angalereska cha, makutu ŵe nangu, kweni angavwa cha; mphunu ŵe nazu, kweni anganuska cha; manja ŵe nangu, kweni angako chinthu cha; malundi ŵe nangu, kweni angayenda cha; angatuzga mazu cha ndi chidyokomeru chawu. Ŵanthu wo atiŵapanga ayananengi ndi angoza ŵenaŵa, nge mo so viŵiyengi ndi ŵanthu wo atiŵathemba.”​—Salimo 115:4-8.

• “Ini ndini Yehova. Lenili ndilu zina langu; Unkhankhu wangu ndigaŵana ndi munthu weyosi cha.”—Yesaya 42:8, mazu ngamumphata.

• “Thaŵani kusopa angoza.”—1 Akorinto 10:14.

• “Jivikiliyeni kwa angoza.”—1 Yohane 5:21.

Kuti muziŵi vinandi vakukwaskana ndi vo Bayibolu likamba pankhani yakugwiriskiya ntchitu vikozgu pakusopa, ŵerengani nkhani ya mutu wakuti “Zimene Baibulo Limanena—Zifaniziro” pamwenga woneriyani vidiyo yakuti Kumbi Chiuta Wazomereza Kugwiriskiya Ntchitu Vikozgu Pakusopa?

Mungakondwa so kuŵerenga nkhani za mu Bayibolu izi:

• “Mariya—Kumbi Bayibolu Likambanji Vakukwaskana Ndi Iyu?”

• “Kodi Kupemphera kwa Mariya Virigo N’koyenera?”

• “Miracles and Apparitions—Signs From God?”

• “Kodi Zidzatheka Bwanji Kuti Padziko Lonse Lapansi Padzakhale Mtendere?”

Photo credit: Vincenzo Pinto/AFP via Getty Images